"Даллас Маверикс" багийнхан нэрт тоглогч Дирк Новицкийн өмсгөлийг өнөөдөр мөнхөлж, DallasBasketball.com сайтын ажилтнууд болон түүний дотны хүмүүс цуглаж олон жилийн турших Диркийн дурсамжийн талаар ярилцахаар цугларлаа. Орон нутгийн цагаар лхагва гарагийн орой Даллас Маверикс Дирк Новицкигийн өмсгөлийг албан ёсоор мөнхөлсөн юм. Даллас Голден Стэйт Уарриорсыг 99:82-оор хожсоныхоо дараа Дирк Новицкигийн 41 дугаартай өмсгөлийг мөнхлөх үйл ажиллагаа явагдсан байна. Түүнийг зодог тайлснаас хойш бараг хоёр жилийн дараа франчайзын түүхэн дэх хамгийн шилдэг тоглогчийн дугаарыг ийнхүү мөнхөлж байна. Энэ үеэр DallasBasketball.com-ын ажилтнууд өөрсдийн дуртай Диркийн дурсамжыг хуваалцсан юм. Мавериксийн түүхэнд тоглолтын дараах ёслолын үеэр өмсгөлөө талбайд мөнхөлсөн дөрөв дэх тоглогч Герман машин боллоо.
Дирк Новицки бол Даллас Маверикс багийн хамгийн шилдэг тоглогч байсан. Маверикс багийн эзэн Марк Кубан Новицкид талархлаа илэрхийлсэн юм. Новицки одоо Мавериксийн түүхэнд өмсгөлөө зодог тайлсан дөрөв дэх тоглогч боллоо. Тэрбээр Брэд Дэвис, Роландо Блэкман, Дерек Харпер нартай нэгдэж байна. 1998 онд Милуоки Бакс түүнийг драфтын 9-р байранд Германаас сонгож, 1998 оноос лигт эллсэнийхээ дараа тэрбээр Далласын эгнээнд нэгдэж зодог тайлах хүртлээ цорын ганц багтаа хүчин зүтгэсэн. Тэрбээр багийнхаа төлөө 21 улирал үнэнчээр тоглосон юм. 14 удаагийн Бүх оддын тоглогч өөрийн замналынхаа туршид 1500 гаруй тоглолтод оролцохдоо 20.7 оноо, 7.5 самбар дундчилсан. Мөн Мавериксийг 2010-11 оны улиралд НБА-гийн цорын ганц аварга болоход нь тусалсан. Новицки 2006-2007 оны улиралд 24.6 оноо, 8.9 самбар дунджилж, талбайгаас 50%-иас илүү шидэлт хийж, лигийн MVP-ээр шалгарсан. Тэрбээр карьераа лигийн бүх цаг үеийн онооны жагсаалтын зургаад дуусгасан.
Маверикс багийн од тоглогч Лука Дончич энэ өдрийн хожлынхоо дараа ESPN-д "Новицки миний хувьд ч, энэ франчайзын хувьд ч хамгийн чухал, онцгой нь байх болно. Тэр Далласад бүх зүйлийг хийсэн, Даллас үүнийг буцааж өгсөн. Тэр энэ бүх хүндлэлийг болон түүнд тохиолдох бүх зүйлийг хүртэх ёстой. Миний хэлсэнчлэн тэр үнэхээр гайхалтай тоглогч, тэр шилдэг тоглогчдын нэг байсан. Гэхдээ түүний бусдаас ялгарах нэг зүйл бол түүний агуу байдал юм. Новицки хамгийн даруухан супер оддын нэг юм. Тэр өөрт тохиолдсон бүх зүйлийг хүртэх эрхтэй." гэлээ. Баярын нэг хэсэг болгон Маверикс Новицкийг хүндэтгэн түүний санд 250,000.41 доллар хандивлав.
