Өнөөдөр NBA Сup-ийн тоглолтууд албан ёсоор эхэлж байна.

Дорнод Групп B: Нэмэлт цаг сунгасан хүнд тоглолтын эцэст Эрик Споелстрагийн алдаанаас болж Майами Хит Детройт Пистонст 123-121 харьцаатай ялагдал хүлээлээ. Нэмэлт цагийн төгсгөлд 121-121 дээр Пистонс оноог тэнцүүлэхэд 0.1 секунд үлдэв. Завсарлагагүй үлдсэн Майами Хит завсарлага захиалж, техникийн алдаагаар торгуулан Малик Бийсли хоёр чөлөөт шидэлтээ хийснээр 123-121 харьцаатай Детройт Пистонс ялалтыг авлаа. Тайлор Херро 40 оноо, 8 дамжуулалт гүйцэтгэхдээ алсын зайнаас 10 удаа амжилттай довтолж, замналынхаа дээд амжилтыг үзүүлсэн ч харамсалтайгаар ялагдал хүлээв.

Дорнод Групп С: Дорнод бүсийг тэргүүлэгчдийн нэг Бостон Селтиксийг Трэй Янггүй Атланта төгсгөлийн мөчид буулгаж авав. Жэйлен Брауны 37 оноо авсан гайхалтай тоглолтыг Даясон Даниелс үгүй хийв. Өнөөдөр 27 оноо, 3 дамжуулалт, 6 бөмбөг таслахын хажуугаар хожлын оноог багтаа авчрав. 117-116 харьцаатай хожсон Атланта Хокс 5-7 амжилттай бүсийнхээ 8-т бичигдэж эхэллээ.

Дорнод Групп B: Улирлыг тун тааруу эхлүүлсэн Милаукий Бакст олон асуудал үүсээд байсан ч тэд өнөөдөр Торонто Рэпторсыг талбай дээрээ 99-85 харьцаатай буулгаж авлаа. Торонто Рэпторст хоёр дахь улиралдаа тоглож буй Грэди Дик 32 оноо авсан нь онцлох үзүүлэлт байлаа. Гэхдээ Яннисаар удирдуулсан Милаукий багаараа тун сайн тоглож, улирлын гурав дахь хожлоо авав. 

Дорнод Групп A: Жоэл Эмбийд шинэ улирлын эхний тоглолтдоо оролцсон, Пол Жоржийн гайхалтай тоглолтой үдэш Филадельфиа 76ерс улилрын 8 дахь хожигдлоо амслаа. Нью-Йорк Никс тэднийг талбай дээр нь 111-99 харьцаатай буулгаж авав. Тайрис Максигаа 2-3 долоо хоног бэртлээр алдсан, Эмбийд минутын хязгаартай тоглосон гэх мэт тэднийг зөвтгөж болох ч тэд яг одоо 2-8 амжилттай Дорнод бүсийн 14-р байранд. Жэйлен Брансон Нью-Йоркт нэгдсэнээс хойших 1000 дахь оновчтой дамжуулалтаа гүйцэтгэлээ. 

Өрнөд Групп B: Кевин Дурантыг 2-3 долоо хоног бэртэлтэй байгаа ч Бүүкер Бийлтэй Санс Ютаг буулгаж авав. Бүүкер 31 оноо, Бийл, 24 оноо. Ийнхүү Финикс Санс 9-2 амжилттай Өрнөд бүсийг тэргүүлж эхэллээ.

Дорнод Грүпп А: Багийн супер од Пауло Банкерогүй Орландо Мэжикийг Герман залуу чирсээр. Өнөөдөр Шарлотт Хорнетсийг 114-89 харьцаатай бут ниргэснээр тэд гурван тоглолт дараалан хожиж, Дорнодын гуравдугаар байрт бичигдэж байна. Нөгөө талд энэ улирал гайхалтай байгаа Ламело Болл 35 оноо, 6 удаа алсын зайнаас амжилттай гүйцэтгэсэн ч Мэжикээс Франз Вагнер 32 оноо, 8 самбар, 5 дамжуулалтаар багаа тэргүүлж, ялалтад хөтлөв.

Өрнөд Групп А: Портландын сэлгээ Тимбервулвсынханд боломж олгосонгүй. Өрнөд бүсийн хүчирхэг өрсөлдөгчдийн нэг Миннесота Тимбервулс Портландын талбайд 122-108 харьцаатай ялагдал хүлээлээ. Портландын сэлгээнээс дөрвөн тоглогч 12 болон түүнээс дээш оноо авсан байна.

Өрнөд Групп С: Өнөөдрийн оргил тоглолт: 11 жил хамтран зүтгэсэн Клэй Томпсон анх удаа Голден Стэйт Уарриорсын эсрэг дүрээр талбайд ирэв. Дөрөв үе талбайд ширүүн өрсөлдөөн үзүүлсэн гайхалтай тоглолтын хором бүр үзэгчдийг суудлаас өндөлзүүлэв. Хүссэн цалингаа авч чадалгүй өөр баг руу явсан Клэй өөрийгөө өнөөдөр батлахыг хичээсэн бол нөгөө талд Стефен Көрри бууж өгөхийг нэг ч хором хүссэнгүй. Голден Стэйт дөрөвдүгээр үед 11 оноогоор хожигдож эхлүүлсэн ч үндсэн цагт 120-117 харьцаатай Даллас Мавериксийг буулгаж авлаа. Клэй өнөөдөр 22 оноо, алсын зайнаас 6 удаа амжилттай. Нөгөө талд Стефен Көрри 37 оноо, 9 дамжуулалт, 6 самбар гүйцэтгэхдээ дөрөвдүгээр үеийн тэргүүлэл авчирсан алсын зайн шидэлт, хожлын оноог багтаа авчирч хэн нь талбай дээрээ тоглож байгааг үзэгчдэд санууллаа.