Монголын Волейболын Холбооны Үндэсний дээд лигийн 2025-26 оны улирал албан ёсоор хөшгөө нээлээ.

Алтайн Барс Хилчин 3:1 Энержи

Үндэсний дээд лигийн 2025-26 оны улирлын нээлтийн тоглолт Алтайн Барс Хилчин баг болон Энержи багуудын хооронд явагдсан бөгөөд Алтайн Барс Хилчин баг 3:1 харьцаатай хожиж, улирлын эхний хожлоо авч чадлаа. Тус тоглолтод Алтайн Барс Хилчин багаас Япон улсын өндрийн довтлогч Yu Koshikawa 25 оноо авсан бөгөөд довтолгоогоор 18 оноо, хаалтаар 2 оноо, давуулалтаар 5 оноо авч багаа тэргүүлжээ. 

Ижил Алтай Төгрөгийн Буян 3:2 Хашхан Өвөрхангай

Үндэсний дээд лигийн 2025-26 оны улирлын хоёр дахь тоглолт өнгөрсөн улирлын Үндэсний дээд лигийн мөнгөн медальт, Ижил Алтай Төгрөгийн Буян болон Хашхан Өвөрхангай багуудын хооронд гал гарсан таван ээлжийн тоглолт болсон бөгөөд Ижил Алтай Төгрөгийн Буян баг 3:2 харьцаатай хожил байгуулж, улирлын эхний хожлоо авч чадлаа. Тус тоглолтод Ижил Алтай Төгрөгийн Буян багаас багийн ахлагч Г.Саруулгэрэл гайхалтай тоглолтыг үзүүлж, 23 оноо авсан бөгөөд бүх оноогоо довтолгоогоор авсан байна. 

Мегастарс 3:1 Натур Бакс

Үндэсний дээд лигийн 2025-26 оны улирлын гурав дахь тоглолт өнгөрсөн улирлын Үндэсний дээд лигийн аварга, Мегастарс болон Натур Бакс багуудын хооронд дөрвөн ээлжийн сонирхолтой тоглолт явагдаж, Мегастарс баг 3:1 харьцаатай хожиж, энэ улирлын эхний хожлоо авч, улиралд хожлын цуврал 18 (өнгөрсөн улиралд 17 дараалан хожсон) болж, гайхалтай амжилттай улирлыг эхлүүллээ. Тус тоглолтод Мегастарс багаас ОХУ-ын өндрийн довтлогч Andrei Kolesnik гайхалтай тоглолтыг үзүүлж, 25 оноо авсан бөгөөд довтолгоогоор 19 оноо, хаалтаар 3 оноо, давуулалтаар 3 оноо авсан байна.

Гэрэл зургийг: Волейболын Үндэсний Дээд Лиг