Залуучуудын өвлийн олимпын наадмын зохион байгуулагчид “Канвон-2024” наадмын тэргүүн медалийн загварыг бүтээх уралдааныг эхлүүлжээ. Зохион бүтээгчид 3-р сарын 8 хүртэл бүтээлээ илгээх ёстой бөгөөд ялагчийг тухайн сарын эцэс гэхэд тодруулах төлөвтэй байна. Ялагчийн загварыг дөрөв дэх удаагийн наадамд ашигласан алт, мөнгө, хүрэл медалийн нүүрэн талд цутгах юм. Медалийн ар талыг Өмнөд Солонгосын соёлын элементүүд болон Залуучуудын Олимпын сүлд дүрс бүхий байдлаар зохион байгуулах хорооноос гаргахаар төлөвлөжээ. Дизайны уралдааны тэргүүн байрын шагналд Канвон руу очих аялалын эрх, нээлтийн ёслол, спортын арга хэмжээнд оролцох эрх, медалийн багц багтаж байна. Тэмцээний хоёр, гуравдугаар байрын шагналууд ч мөн үүнтэй дүйцэхүйц шагналууд хүлээж байгаа юм. Үүнтэй төстэй санаачилга 2020 оны Лозанна хотод болсон залуучуудын өвлийн олимпын өмнө өрнөж, Шинэ Зеландын Закеа Пэйж "олон талт гоо үзэсгэлэн" загвараараа түрүүлж байсан юм.

Залуу зохион бүтээгчийн хувьд Канвон 2024 тэмцээний шүүгчдийн бүрэлдэхүүнд багтаж, ОУОХ-ны сонгогдсон залуучуудын сурвалжлагчид, Канвон 2024 залуучуудын төлөөлөгчид, ОУОХ-ны залуу удирдагч, Олимпын уран бүтээлчдийн хөтөлбөрт оролцож буй олимпийн тамирчидтай уралдааныг шүүхээр болжээ. Закеа хэлэхдээ  “Энэ удаад шүүгчдийн бүрэлдэхүүнд орсон нь маш их нэр төрийн хэрэг” хэмээгээд оролцогчдод зөвлөгөө өгсөн байна. "Энэ тэмцээнд оролцож буй хэн бүхэнд би юуны түрүүнд оролцсонд баяр хүргэе. Миний бодлоор энэ бол олимпын оюун санааны нэг хэсэг, оролцож, хамгийн сайнаараа хичээх явдал юм. Олимпын үнэт зүйлсийг медалийн загварт тусгаж, удахгүй болох наадмыг хэрхэн бэлгэдэж болох талаар бодож үзээрэй." шэжээ. Залуучуудын Олимпийн наадмын медалийн загвар зохион бүтээх уралдаанууд анх 2010 онд Сингапурт болсон зуны анхны наадмаас эхлэлтэй. Канвон 2024 өвлийн залуучуудын наадам ирэх оны 1-р сарын 19-өөс 2-р сарын 1-ний хооронд болно. Зохион байгуулагчид өнгөрсөн сард “Пёнчан 2018” өвлийн олимп, Паралимпийн сахиус Сүхоранг, Бандаби хоёрын тулааны үр дүнд төрсөн цасан бөмбөгийг дүрсэлсэн Мунчо нэртэй албан ёсны сахиусыг албан ёсоор тус наадмын сахиус болгон зарласан билээ.