Хөлбөмбөгийн спортын одууд дэлхий дээрх хамгийн өндөр цалинтай тамирчдын тоонд зүй ёсоор багтдаг. Тэгвэл энэ онд хамгийн өндөр цалин авах топ 5 тамирчдыг онцолж байна. Үүнд зөвхөн багтай хийсэн цалинг онцолсон ба нэмэлт сувгуудаар олох орлогыг онцлоогүй юм. 

5-т: Лионель Месси /Интер Миами/ Цалин: 69 сая доллар

Өнөө цагийн дэлхийн хамгийн шилдэг хөлбөмбөгчдийн нэг Лионель Месси хамгийн өндөр цалин авах нь тодорхой. Месси өнгөрсөн жил Интер Майами баг руу шилжихдээ ПСЖ-тэй хийсэн гэрээнээсээ хасч ирсэн. Мөн Саудын Арабын дээд лигээс түүнд тавьсан асар том саналаас татгалзаж байсан удаатай. АНУ-ын хөлбөмбөгийн асар том зах зээлийн нүүр царай болж буй тэрбээр Интер Майами багаас тус лигийн хамгийн өндөр цалин авч буй тоглогчоор тодорсон. 

 4-рт: Киллиан Мбаппе одоогийн баг /ПСЖ/ Цалин: 78 сая доллар

Францийн хөлбөмбөгийн супер од Киллиан Мбаппе энэ жил ПСЖ-ээс явах нь тодорхой болсон. Гэхдээ түүний энэ жилийн авах цалин 78 сая доллар. Харин энэ зун очих баг нь бараг тодорхой болсон ба түүний сонголт нь Реал Мадрид. Реал Мадридын түүнд амлаж буй цалин таван жилийн 285 сая доллар гэнэ. 

3-рт: Карим Бензема /Ал-Иттихад/ Цалин: 107 сая доллар

Франц довтлогч Карим Бензема Реал Мадридад байх хугацаандаа өөрийгөө хэр чадварлаг тоглогч гэдгээ хангалттай батлан харуулсан. Тэрбээр замналынхаа сүүлийн жилүүдийг Арабийн лигт өнгөрүүлэхээр шийдсэн ба Ал-Иттихад клуб нь тус лигийн хамгийн амжилттай баг хэмээн нэрлэгддэг байна. 

2-рт: Неймар Жр /Ал Хилал/ Цалин: 108 сая доллар

Неймар Жр өнгөрсөн жил ПСЖ-ээс Саудын Арабын Аль Хилал багт нэгдэж шуугиан тарьсан. Улмаар Бразил супер од залуу тухайн үеийн хөлбөмбөгийн түүхэн дэх хамгийн өндөр дүнтэй гэрээг үзэглэж байв. Түүний 86 сая фунт стерлингийн цалинд арилжааны орлогыг нь тооцохгүй ба тэрбээр хамгийн өндөр орлоготой хөлбөмбөгчдийн нэг билээ. 

1-рт: Кристиано Роналдо /Ал Насср/ Цалин: 219 сая доллар

Роналдо мэргэжлийн карьераа 20 гаруй жилийн хугацаанд таван дэлхийн аварга шалгаруулах тэмцээнд гоол оруулсан анхны хүн. Мөн л бүх цаг үеийн түүхэн дэх шилдэг тоглогч. Тиймээс тэрээр дэлхийн хамгийн өндөр орлоготой хөлбөмбөгчдийн жагсаалтын эхний байранд орсонд гайхах зүйл бараг үгүй. 2021 оны зун тэрээр хуучин баг Манчестер Юнайтедтайгаа хоёр жилийн гэрээ байгуулснаар Английн Премьер лигийн түүхэн дэх хамгийн өндөр цалинтай тоглогч болсон юм. Гэхдээ энэ нь хэрхэн дууссаныг бид бүгд мэднэ. Түүний саяхан Аль Насср руу шилжсэн томоохон шуугиан тарьсан ба спортын түүхэн дэх хамгийн өндөр дүнтэй гэрээнүүдийн нэгийг үзэглэсэн. Өнгөрсөн жилийн Ballon d'Or-ын дэлхийн хамгийн өндөр орлоготой хөлбөмбөгчин болж байсан билээ.