Мягмар гарагт Парисын Арена цэнгэлдэх хүрээлэнд олимпын волейболын тэмцээний хагас шигшээд шалгарах тоглолтууд боллоо. Эмэгтэй багууд мягмар гарагийн байдлаар АНУ-н баг Польшийн багийг 3:0-ээр, Бразилын баг Доминиканы багийг 3:0-ээр, Туркийн баг Хятадын багийг 3:2-оор буулган авч хагас шигшээд тус тус шалгарчээ.

Онцолвол:

Туркийн баг Хятадын багийг таван үед 3:2-оор буулган авч олимпын хагас шигшээд анх удаагаа оролцох эрхээ авлаа. Өмнө нь Туркын шигшээ баг Лондон-2012 олимпод есдүгээр байрт шалгарч байсан бөгөөд Токио-2020 олимпод шөвгийн наймд Өмнөд Солонгосын багт хожигдсон.

Туркын шилдэг оноо түүгч гэгдэх Кансу Өзбай тоглолтын үеэр бэртэж тоглолтыг үргэлжлүүлж чадаагүй ч Туркийн супер од, волейболийн "Сахиусан тэнгэр Варгас" гэгддэг Мелисса ​​Варгас 42 оноотойгоор тоглолтын онооны хүснэгтийг тэргүүлж багтаа том хожил авчрав.

Хятадын баг тоглолтын эхлэлийг хүчтэй тавьж 25:23-аар эхний үед тэргүүлсэн хэдий ч хоёр дахь үеэс Туркийн баг давамгайлж Ханде Баладин, Мелисса Варгас, Эда Эрдэм Дундар,Эбрар Каракур нарын чухал оноогоор Турк багийн тоглолт эрчээ хадгалсаар ялалтыг авч чадсан. Хятад улсын шигшээ баг нь Афин-2004, Рио-2016 олимпод алтан медаль хүртэж, Токио-2020 олимпод шөвгийн наймд шалгарч байсан.

Туркийн шигшээ баг хагас шигшээд Италийн багтай 8 сарын 8нд тоглоно.