Эмэгтэйчүүдийн 50 кг-ын жинд өрсөлдөж буй МУГТ Д.Отгонжаргал эхний шатандаа Италийн тамирчин Эмануела Лиуззтай өрсөлдөх байсан ч эсрэг тамирчин талбайд гарах боломжгүй болсон учир манай тамирчинд дүрмийн дагуу ялалтыг өглөө.

Чөлөөт бөхийн олон улсын дүрэмд Victory by forfeit /VBF/ нь 2 шалтгаантай байдаг.

1-рт техникийн, эрүүл мэндийн зэргээс бусад шалтгаанаар талбайд гарахгүй болсон,

2-рт жингийн үзлэгт ирээгүй эсвэл жиндээ ороогүй бол өрсөлдөгч тамирчинд ялалтыг өгдөг.

Д.Отгонжаргал хагас шигшээд шалгарахын төлөө Азербайжаны алдарт бөх Стадник Марияа болон Германы бөх Блаявас Анастасиа нарын аль ялсантай хүч үзнэ.

Өчигдөр буюу 08-р сарын 06-нд олимпын наадмын чөлөөт болон сонгомол бөхийн барилдаан эхэлсэн. Тус өдөр ОУХМ Э.Дэлгэрмаа 68 кг-ын жинд барилдаж, Монголын багийн салхийг хагалсан. Тэрбээр эхний учраандаа Киргизстан улсын тамирчин өмнөх олимпын хүрэл медальт, 2021 оны Дэлхийн аварга Киргизстан улсын тамирчин Мээрим Жуманазаров учраа тааран ялагдал хүлээсэн. Улмаар Киргизстаны тамирчин Мери Жуманазарова финалд шалгарч, Э.Дэлгэрмаа дагаж барилдахаар болсон ба өнөөдөр Японы тамирчин, 23 настай, 2022, 2023 оны Дэлхийн хошой аварга Нонока Озакатай барилдаж 6-0 харьцаатай ялагдал хүлээн тэмцээнээ өндөрлүүллээ.