Мемфис Гриззлес багт энэ жил нэгдсэн Канад гаралтай төвийн тоглогч Зак Эди 2024 оны Парисын Олимпод Канадын шигшээ багийн бүрэлдэхүүнээс нэрээ татжээ. NBA-ийн замналдаа анхаарлаа хандуулахаар шийдсэн тэрбээр Олимп болон өөр олон улсын тэмцээнд оролцохгүй гэдгээ өчигдөр зарласан байна. Мемфис баг Пурдю их сургуулийн төвийн тоглогч Зах Эддиг драфтын 9 дэх сонгонлтоор авсан ба тэрбээр "The ​​Associated Press" агентлагийн шилдэг эрэгтэй сагсан бөмбөгчний шагналыг хоёр жил дараалан авсан анхны тоглогч болсон удаатай. 

Зак Эдди "Парисын наадамд улсаа төлөөлөн оролцохгүй байх нь хэцүү шийдвэр байлаа. NBA-д орохын тулд тасралтгүй бэлтгэл сургуулилтаа хийж байсан. Одоо Мемфис Гриззлес багт драфтаар орсон тул чадах бүхий л зүйлээ багийнхаа төлөө хийх болно. Энэ олимпоор миний сэтгэл зүрх Канадын шигшээ багтай үргэлж хамт байх болно" хэмээн мэдэгджээ.