Цахим спортын хамгийн томоохон тэмцээнүүдийн нэг "Esports World Cup" тэмцээний Counter Strike төрөл энэ сарын 20-оос Саудын Арабын Аль Эр-Рияд хотноо зохиогдох гэж байна.

Нийт $1,250,000 долларын шагналын сантай S-Tier-ийн уг томоохон тэмцээнд дэлхийн шилдэг 16 баг өрсөлдөнө. Түүний нэг нь мэдээж Ази тив, Монгол улсын томоохон төлөөлөл The MongolZ баг юм.

Тус тэмцээнд та бүхний сайн мэдэх Team Vitality, Team Spirit, Team Falcons, MOUZ, Aurora Gaming, G2 Esports, Natus Vincere зэрэг томоохон багууд аваргын цом болон 500,000 долларын төлөө нийт дөрвөн өдөр өрсөлдөнө.

Esports World Cup нь Саудын Арабын Эр-Рияд хотод болох Esports World Cup Foundation (EWCF) болон ESL FACEIT группээс зохион байгуулдаг И-Спортын олон төрлийг нэгтгэсэн дэлхийн томоохон тэмцээн юм. Энэ нь 2023 оны сүүлээр Gamers8-ын брэндийг өөрчлөх, өргөжүүлэх зорилгоор зарласан цуврал тэмцээн болох Esports World Cup-ын хоёр дахь удаагийн тэмцээн болж буйгаараа онцлогтой.

И-Спортын төрөл бүр өөрийн гэсэн бие даасан онцлогтой зохиогддог ба энэ удаагийн Сounter Strike-ийн төрөлд нийт 16 баг шууд хасагдах журмаар тоглох юм.

Нийт 21 И-Спортын төрлөөр клубууд өрсөлдөх ба нийт шагналын сан нь $70,450,000 доллар буюу хамгийн өндөр шагналын сантай нэгдсэн тэмцээн болоод байна. И-Спортын томоохон клубүүд дээрх 21 төрөлд өрсөлдөж, хамгийн өндөр оноо цуглуулсан баг $7,000,000 долларын эзэд болно.

The MongolZ багийн хувьд тэмцээний эхний шатанд Германы Gamer Legion багтай 08-р сарын 20-ны 22:15 цагт тоглох хуваарьтай байна. Тэмцээний бүх толголт Best Of 3 журмаар тоглож, аваргаа тодруулна. Хэрвээ эхний шатаа амжилттай давбал Natus Vincere, 3DMAX багуудын аль хожсонтой хагас шигшээд шалгарах эрхийн төлөө өрсөлдөнө. The MongolZ багийн хувьд Blast Premier Bounty S2 тэмцээнээ өчигдөр Мальта улсад Дэд байр эзлэн өндөрлүүлсэн ба шууд дараагийн тэмцээн болох улс руу хөдлөж, амралтгүй тоглох хүнд хуваарь таараад байна.

The Mongolz багийн спонсорууд: CS go Skins, Pirate Swap, ZC, 1xbet,

Нэмээд сонирхолтой мэдээлэл хүргэхэд Esports World Cup тэмцээний олон улсын Элч төлөөлөгчөөр та бүхний сайн мэдэх Криштиану Роналду ажиллаж байгаа билээ.