“Ханжоу-2022” наадмын анхны Алтан медалийг Б.Чинзориг эх орондоо авчирлаа

Өсөхбаяр

10 сарын 4

Ийнхүү Азийн наадмын боксын спортын төрөлд хос медаль хүртсэн анхны тамирчин боллоо.

Үндэсний шигшээ баг, Алдар спорт хорооны тамирчин дэлхийн аваргын мөнгөн медальт МУГТ Б.Чинзориг өнөөдөр 20:15 минутаас Хятадын Тайваны тамирчин 2022 оны Азийн наадмын хүрэл медальт Лай Чу Ентэй гурван үе тулалдаж 5:0 харьцаатай ил давуу байдлаар ялалт байгуулан Ханжоу-2022 наадмын анхны Алтан медалийг эх орондоо авчирлаа. Тэрээр шигшээ наймд энэ жилийн Дэлхийн аварга Казакстаны тамирчин Ертуган Зэйнуллиновтой тулалдан итгэл төгс ялалт байгуулж хагас шигшээд Ази тивийн аварга Тайландын тамирчин Бунжон Синсиритэй тулалдаж гурван үе илт илүүрхэж 5:0 харьцаатай ялалт байгуулан аваргын төлөө тулалдсан юм. Боксын спорт төдийгүй, монголын спорт сонирхогчдын итгэлийг алдалгүй энэ оны Азийн наадмаас анхны Алтан медалийн тавцанд зогсон эх орныхоо төрийн дууллыг эгшиглүүлсэн тамирчин Б.Чинзориг болох нь ээ. Одоо түүнд хийж дуусгаагүй ажил ирэх зуны Парисын Олимп үлдлээ.
Ийнхүү манай улс 1 алт 4 мөнгө 8 хүрэл медалийг 11 дэх өдрийн байдлаар хүртээд байна.

Гэрэл зургийг Ч.Ганбат

Засмал замын дугуйн уралдаанд Ж.Анужин 140 орчим км замыг 3 цаг42 минут 10 секундэд туулан барианд орлоо

9 сарын 22

Шатрын эрэгтэй багийн төрөлд манай Их мастерууд дөрөвдүгээр байрт бичигдэж байна

9 сарын 22

Азийн урьдчилсан шатны тоглолтоос өмнө хөлбөмбөгийн Үндэсний шигшээ багийн тамирчид “Мөнгөн гүүр” эмнэлэгтэй хамтран бүтэн биеийн эрүүл мэндийн үзлэгт хамрагдлаа

9 сарын 22

Эмэгтэй волейболчид хасагдах шатанд Хонгконгын багтай тоглолоо

9 сарын 22

Спорт авиралтын буухиа төрөлд манай тамирчид оролцон 38.912 амжилттайгаар тэмцээнээ өндөрлүүллээ

9 сарын 22