NBA-н зүгээс Миннесота Тимбервулвс багийн лидер Энтони Эдвардсд улирлын ээлжит мөнгөн торгуулийг ноогдууллаа. Тэрээр Хьюстон Рокетстой хийсэн тоглолтын дараа телевизийн шууд ярилцлаган дээр “ёс бус үг хэллэг” ашигласан гэсэн шалтгаан дээрээс үндэслэн түүнийг 100,000$-оор торгож арга хэмжээг авсан байна.

Тус тоглолтод Тимбервулвс дөрөв дүгээр үед 106-90 харьцаатай 16 онооны дутуу байсан ч гайхалтай эргэн ирэлтийг хийж Никейл Александер Уалкерийн өгсөн дамжуулалтаар Антман хожлын гурван онооны шидэлтийг улмаар 113-112 харьцаатайгаар эцсийн мөчид ялалт байгуулсан билээ.

Тоглот дуусмагч талбай дээрх сурвалжлагч хожлын шидэлт хийсэн Эдвардсаас ярилцлага авах үед мань залуу харин бас л амаа цэгнэж чадалгүй сэтгэл хөөрлөөрөө яриа өгч ээ:

NBA-н зүгээс хэрэв тоглогч анхны удаа олон нийтийн өмнө ёс бус үг хэллэг ашигласан тохиолдолд эхний удаад 25,000$-оос торгож эхэлдэг бол Эдвардс энэ улиралд аль хэдийнээ гурван удаа торгууль амссан ба энэ нь түүний дөрөв дахь удаагийн давтан болоод байгаа аж.

12 сарын 6-нд багийн хамтрагчид болох Наз Рийд, Жулиус Рандл нарын магтахдаа f-bombs ашиглан “хараал идсэн гайхалтай хамгаалалттай байлаа” гэж хэлээд 25,000$ торгууль.

Дараа нь Сакраменто Кингс багийн эсрэг тоглож байхдаа Кингсийн хөгжөөн дэмжигч руу “дунд хуруу” гаргаж 35,000$ торгууль авсан.

Есөн хоногийн өмнө буюу 12 сарын 21нд Уарриорсын эсрэг тоглож хожигдохдоо шүүгчидийг шүүмжлэж “хараал идсэн аймшигийн шүүлттэй тоглолт байлаа” гэж хэлээд 75,000$-оор арга хэмжээ авахуулсан бол ийнхүү өнөөдөр ахин нэмж 100,000$ NBA-д хандивллаа.

Эдвардсийн энэ жилийн цалин л гэхэд 42.2 сая доллар байгаа бол түүний энэ улиралд торгуульсан нийт хэмжээ 235,000$-ыг даваад байна. Энэ нь төгрөгөөр бодвол ойролцоогооо 805,000,000 төгрөг юм.