Өдгөө 40 хас хүрэхэд сар хүрэхгүй хугацаа үлдсэн Леброн Жеймсийг үнэхээр нас нь дарж эхлэв үү?

Тэрээр өнөөдөр болсон Миннесота Тимбервулвс багийн эсрэг 31 минут талбайд тоглохдоо ердөө 10 оноо авч, 6 бөмбөг алдалт хийж 16 довтолж 4-ийг нь л унагаж, гурваас 4 шидэж нэг ч хийгээгүй ба түүнийг талбайд байхад -28 (багийнхаа хамгийн муу нь) гэсэн итгэмээргүй муу үзүүлэлттэй тоглолтыг дуусгаж 109-80 харьцаатайгаар шүүрдүүлсэн билээ. Мөн түүнчлэн тэрээр сүүлийн 4 тоглолтондоо 19 удаа гурваас шидэж нэгийг ч амжилттай болголгүй 0%-тай довтолсон байна.

Тэрээр замналынхаа турш ердөө 16 удаа л 10 ба түүнээс доош оноог авч байсан бол өнөөдөр 17 дахь тохиолдол нь болж бүртгэгдэв. Өнөөдрийн тоглолтонд 4-р үед 8 оноотой явж байсан ба түүний толгойд 10+ оноог 1243 тоглолтын турш авч байгаа гэсэн агуу цувралаа өндөрлүүлэхвий гэсэн айдастай байсан нь гарцаагүй биз ээ.

Хэрэв Леброн ийм хангалтгүй тоглолтыг тогтмол үзүүлээд байвал Лейкерсийн амжилт тийм ч таатай байхгүй л болов уу?

Леброн энэ улиралд 4 тоглолт дарааллан гурван-аравт гүйцэтгэхэд хүн бүр түүий нас бол зүгээр л тоо юм байна, тэр энэ өндөр формоо хадгалсан хэвээр л байх юм байна гэцгээж байсан нь саяхан. Гэвч энэ нь өнөөх “Зул бөхөхийнхөө өмнө бадамлана” гэдэг нь байх вий…

Лейкерсийн өнөөдрийн авсан 80 оноо нь энэ улиралд бүртгэгдэж буй бүх багуудын хамгийн бага оноо болсон байна.

Леброны муу тоглолт халдварлав уу гэлтэй энэ багийн лидер залгамж халааг авсан Энтони Девис бас улиралын хамгийн муу тоглолтоо үзүүлж 12 оноо авахдаа 14 довтолж 4-ийг нь л амжилттай болгож ердөө 29-хэн хувьтай довтолж ээ.

Лос Анжелес Лейкерсд асуудал ар араасаа цувран гарч ирж байгаа энэ үед шинэхэн дасгалжуулагч ЖЖ Редикийн арга ухаан, цаашдын төлөвлөгөө ямар байх нь уу харах л үлдлээ дээ.