BRERA ILCH 0:3 Deren

Тоглолтын эхний үеийн 12’ булангийн цохилтоос ирсэн бөмбөгийг Илч клубийн довтлогч Энхтулга өөрийн хаалганд санамсаргүй хийв.

Тоглолтын 42’ Дэрэн клубийн Япон легионер энэ улирлын мэргэн буучийн жагсаалтыг тэргүүлж буй Ф.Ютаро гоол оруулснаар эхний хагасыг Дэрэн клуб 2:0-р тэргүүлж дуусгав.

Тоглолтын 2-р хагасын сүүлчийн минут Дэрэн клубийн Мөнххүслэн энэхүү тоглолтын эцсийн цэгийг тавьснаар Дэрэн клуб өрсөлдөгчөө 3:0-р илүүрхэв.

ХАНТЕРС 1:1 СП ФАЛКОНС

Тоглолтын эхний үеийн 22’ СП ФАЛКОНС клубийн №4 Дөлгөөн баруун жигүүрээс төв рүү өгсөн дамжуулалтаар №8 Бразил легионер М.Сантос гоол оруулснаар эхний үеийг өнгөрсөн улирлын аварга СП Фалконс тэргүүлж дуусгав.

Харин 2-р үеийн 70’ Хантерс клубийн залуу тамирчин №17 Мөнхболор талбайн төвөөс гоёмсог гоцлон тоглолтыг хийж тоог тэнцүүлж чадсанаар багууд эвийн гэрээ байгуулав. 

KHOVD BRONCOS 4:2 TUV AZARGANUUD

Тоглолтын 6’ Төв азарганууд клубийн Ц.Мөнх-Эрдэнэ булангийн цохилтоос шууд нэгэн гайхалтай гоол оруулснаар 1:0 болгон тэргүүлж эхлэв. Гэвч тоглолтын 27’ болон 32’ Ховдын хүлэгүүд клубийн Япон легионер В.Юута 2 гоол оруулж эхний хагасыг Ховдын хүлэгүүд клуб тэргүүлэв. Тоглолтын 72’ Төв азарганууд клубийн Л.Карвальё гоол оруулснаар тоог 2:2 болгон тэнцүүлэв.

Гэсэн ч тоглолтын 75’ Gerardo Ховдын хүлэгүүдэд ахин тэргүүлэл авчирч 3:2 болгов. Тоглолтын 90+4’ Масакигийн дамжуулалтаар Есү-Очир гоол оруулснаар энэхүү тоглолтын эцсийн цэгийг тавьж 4:2-р Ховдын хүлэгүүд клуб чухал 3 оноог авлаа.

Мөн FC ULAANBAATAR 0:0 KHANGARID болон ERCHIM 0:0 BISHRELT Khoromkhon гэсэн тоглолтууд тэнцээгээр өндөрлөсөн байна. 

Зургийн эх сурвалж: Mongolian Premier League