Лейкерсийн спорт судлаачид болон үзэгч, дэмжигчидийн нэлээдгүй их хувь нь Леброн, АД нарыг сольж явуулаад сэргээн босголтын ажилдаа эртхэн орох хэрэгтэй хэмээн үзэж байна. Гол асууал нь мэдээж Леброны насжилт болон Девисийн залхуу байдал мөн бэртэл гэмтлийн асуудал ихтэй. Тэднийг сүүлийн таван жилийн хугацаанд ердөө хоёр удаа плейоффд шалгарч эхний шатанд мултарсан гэдэг хангалтгүй ажилтаас нь үүдэн цаашид ямар ч илүү амжилт гаргах боломжгүй гэж ээ. Тийм дээ ч олон нийтийн мэдээллийн газруудаар Леброныг Уарриорсд очно, Девис багаа орхино гэх мэт шуумууд газар аваад байна.

Тэд одоогийн байдлаар 15-12 гэсэн амжилттайгаар бүсийнхээ 7-д бичигдэж байгаа хэдий ч хамгийн сүүлд л гэхэд бүсдээ хоёрт яваа хүчтэй Мемфисийг асуудалгүй хожиж байна, тэдний тоглолтыг бага зэрэг дэмжээд өгөх үүргийн тоглогч энэ солилцооны цонхоор аваад ирэхэд л хангалттай амжилт үзүүлж чадна гэж харж байгаа хэсэг бүлэг хүмүүс ч цөөнгүй байгаа билээ.

Харин энэ асуудлын талаар The Athletic-ийн Лейкерс багаар даганадаг сурвалжлагч, нийтлэгч Jovan Buha хэлэхдээ:

Жеймс хэдийгээр 40 нас шүргэж, бүтэн моторынхоо хүчин чадлаар ажиллах боломжгүй болсон ч гэлээ багтаа өөрийн үр нөлөөгөө эерэгээр үзүүлж чадах хэмжээнд байсаар байна. Тэрээр энэ улирал дунджаар 35.0 минутад 22.6 оноо, 7.9 самбар, 9.0 дамжуулалт дундажлахдаа 48.6%-ийн довтолгооны гүйцэтгэлтэй байна. Девисийн (27.5 оноо, 11.3 самбар) хувьд энэ жил MVP-ийн түвшинд хамгаалалт, довтолгоо хоёр талт эзэрхэг байна.

Лейкерсийн зорьж буй тоглогч бол хүчтэй, хамгаалалт сайтай төв ба гурваас шидэх чадамжтай, хамгаалалттай холбогч гэсэн шаардлага тавьж байгаа юм байна. Хэрэв тийм тоглогч олдвол өөрсдийн хайртай шар хүү Аустин Рийвсээ ч өгөхөд бэлэн гэдгээ зарласан байна.