Парис 2024 Олимпийн наадмыг зохион байгуулах хороо энэ долоо хоногт ирэх зуны нээлтийн ёслолыг терроризм, нисгэгчгүй онгоцны халдлага буюу дроны дайралт болон бусад болзошгүй эрсдэлээс хамгаалах төлөвлөгөөний талаар дэлгэрэнгүй танилцууллаа. Франц улс 7-р сарын 26-нд болох Наадмын нээлтийг хамгаалахын тулд 35,000 хамгаалалтын болон цэргийн албан хаагчдыг ажиллуулахаар болсон. Сена мөрний дагуу 6 км үргэлжлэх нээлтийн арга хэмжээ нь маршрутаар 600,000 орчим үзэгч оролцоно гэж үзэж байгаа юм. Энэхүү арга хэмжээ нь Олимпийн нээлтийн ёслол цэнгэлдэх хүрээлэнд хийгдээгүй анхны тохиолдол болох бөгөөд 200 гаруй орны тамирчид, албаны хүмүүстэй 160 завь, Францын зүрхэн дэх гудамж, гүүрээр эгнүүлсэн үзэгчдийг оролцуулсан сүр жавхлант жагсаал болно. Францын Дотоод хэргийн сайд Жеральд Дарманин, Парис 2024 зохион байгуулах хорооны ерөнхийлөгч Тони Эстангует, Парис хотын дарга Анн Хидалго нар энэ долоо хоногт Парист болсон хэвлэлийн бага хурал дээр ёслолын ажиллагааны асар том аюулгүй байдлын төлөвлөгөөний нарийвчилсан элементүүдийг хэлэлцэн танилцуулсан байна. Терроризмын айдас дахин нэмэгдэж, ерөнхийлөгч Эммануэль Макроны тэтгэврийн шинэчлэлийг эсэргүүцсэн хүчирхийллийн жагсаалын улмаас ёслолын ажиллагаа болон наадмын эргэн тойронд аюулгүй байдлын протоколд илүү их анхаарал хандуулж байгаа аж. "Дронууд цоо шинэ аюул заналхийлж байна" гэж Дарманин хэлжээ. “Бид сонгодог аюул заналхийллийн талаар маш их ажил хийсэн, энэ нь гэмт хэрэг үйлдсэн эсэх, зэвсгээр зэвсэглэсэн хүн байна уу, тэсрэх бөмбөг байна уу... гэх мэт аюулыг хэрхэн илрүүлж, түүнтэй тэмцэхээ мэддэг. Харин нисгэгчгүй онгоц дронууд шинээр орж ирж байна. Энэ аюул нүүрлэх эсэх нь тодорхойгүй ч үүнийг зогсооход хамгийн хэцүү нь гэдгийг онцолжээ.
Наадмын үеэр Парисын гудамжинд нэмэлт 400 хамгаалалтын камер суурилуулж, нийт 4400-д хүргэнэ гэж мэдээлсэн нь нууцлалын асуудал үүсгэж, аюулгүй байдлын дэд бүтэц нь наадмын байнгын үр дагавар болж магадгүй гэж шүүмжлэгчид үзэж байна. 7-р сарын 26-аас 8-р сарын 11 хүртэл үргэлжилнэ.
