Хорватын Загреб хотноо явагдаж буй чөлөөт бөхийн ДАШТ-ын эхлээх гурав дахь өдрөө үргэлжилж байна. Тэгвэл өнгөрөгч өдөр буюу тэмцээний хоёр дахь өдөр Монголын баг анхны медалиа авлаа.

Эрэгтэйчүүдийн 70 кг-д зодоглосон гавьяат тамирчин Төмөр-Очирын Тулга финалд Японы бөх, ДАШТ-ий мөнгөн медальт, Азийн АШТ-ий мөнгө, хүрэл медальт Ёошиносүкэ Аоягид 5:1-ээр дийлдэн мөнгөн медалийн эзэн болов.

Ингэснээр Т.Тулга ДАШТ-ий мөнгө, хүрэл медальтай болж байна. 

Энэ нь чөлөөтийн тамирчдын ДАШТ-ээс авсан Монголын 29 дэх мөнгөн медаль юм. Эрэгтэй бөхчүүдээс хамгийн сүүлд гавьяат тамирчин П.Өнөрбат 2015 онд, гавьяат тамирчин М.Лхагвагэрэл 2022 оны ДАШТ-ээс мөнгөн медаль хүртсэн билээ. 

Харин өнөөдөр буюу чөлөөт бөхийн ДАШТ-ий гурав дахь өдөр эрэгтэйчүүдийн 65 кг-ын жинд Батбаатарын Гантулга, 97 кг-д Ганбаатарын Ганхуяг, эмэгтэйчүүдийн 55 кг-д Батхуягийн Хулан, 59 кг-ын жинд Тогтохын Алтжин нар хүч сорих болно.

Мөн 79 кг-д О.Сүлдхүү хүрэл медалийн төлөө, 74 кг-д Э.Төгсжаргал дагах барилдаанд зодоглоно. 

Ашигласан зургийг: Mongolian Wrestling Federation