Сүхээ Нямсүх

2000онд Хөвсгөл аймгийн Их-Уул суманд төрж өссөн. 1 ах, 2 эгчтэй айлын отгон хүүхэд. Аав минь залуудаа цана болон хөнгөнөөр хичээллэдэг байсан. Бага эгч маань волейболын Спортын мастер Сүхээгийн Пүрэвжаргал гэдэг хүн байдаг. Багадаа ер нь хөдөлгөөнтэй, юм юманд өөрийгөө сорьсон бас их шартай хүүхэд байсан.

Бага эгчийгээ дагаж волейболын спортод хөл тавьсан. Анх 8 настайгаасаа хичээллэж эхэлсэн. Тамирчин хүнд шантрах үе зөндөө л байдаг шүү дээ. Волейболын спорт хүнийг маш хатуужилтай бас тууштай болгодог юм шиг санагддаг. Хожигдлын дараах бэлтгэл дараагийн тоглолтод хожно, илүү хичээнэ гэсэн сэтгэл зүйгээ бэлдэх гээд л өөрийгөө ойлгож мэдрэх гэх мэт маш олон давуу талуудын олж авах боломж олгодог. Анхны тэнцээн, анхны шагнал авч байсан мөч хамгийн дурсамжтай байсан.

Чөлөөт цагаараа кино задлан үзэх, аймшгийн өгүүллэг сонсох дуртай. Мөн Сагс тоглох дуртай бас ширээний теннис тоглох сонирхолтой.

ИЗОУИС-ийг төгссөн. Одоохондоо спортын карьертаа илүү анхаарч байгаа. Тэмцээний үеэр бол цагийн хуваарийн дагуу бэлтгэлтэй байдаг бусад үед хувийн бэлтгэлээ хангаж, жижиг булчингууд хөгжүүлэх дасгал, фитнессийг өдөр тутамдаа хэвшүүлэх гэж хичээдэг.

Superpower-тай байх боломжтой байсан бол шилжих, бодол унших байсан.

Msports app-ын Plus+ хэрэглэгч болсноор мэргэжлийн дасгалжуулагчдын видео хичээлүүдийг хэзээ ч хаанаас ч үзэх боломжтой. Апп татах: https://onelink.to/wvgkqe

Гурилтай шөл, ер нь шөлтэй хоолонд дуртай. Ээжийнхээ хийж өгдөг шөлтэй хоолонд маш их дуртай байсан болохоор гурилтай шөл идэх болгонд санаанд ордог. Ээж минь маш хурдан бас үнэхээр амттай хоол хийдэг байсан.

Гоё инээдэг эмэгтэй хүнд таалагддаг. Даруу төлөв зан бие даасан байдалд дуртай. Найз охин байхгүй.

Багцаагаар 9 улсад очиж тэмцээнд оролцож байсан байх аа. 2023 оны хувьд бол шигшээ багаараа олон улсын тэмцээнд оролцож чамгүй амжилтуудыг гаргасан. "AVC Challenge cup for men 2023" тэмцээний 3-р байр, 2023 Азийн клубуудын аварга шалгаруулах тэмцээний шилдэг 8 багт шалгарсан гэх мэт амжилтуудтай.

Эгчээсээ үлгэр дуурайлал авч үргэлж бахархдаг. Эгч маань 4 дугаартай тоглодог байсан учраас 4 дугаарыг авмаар байсан ч тухайн үедээ авч чадаагүй учраас 14 дугаарын авч байсан.

Эмэгтэй хүний биед орвол төрөх өвдөлт хэр аймар болохыг их сонирхох байсан байх. Хэрвээ тэрийг мэдчихвэл ирээдүйд хүнтэй суугаад эхнэрээ илүү их ойлгож, халамжилж хайрлаж чадах юм болов уу л гэж бодож байна даа.