Португалийн шилдэг тоглогч Роналдуд эргэлзэж буй сүүлийн үеийн шүүмжлэлийг тэрбээр намжааж, ням гарагт Аль Насср клуб Аль Тай клубийн эсрэг хийсэн тоглолтод хет-трик хийж, өөрийн гайхалтай чадвараа харуулжээ.

Өнгөрсөн жил Европын элит хөлбөмбөгийг орхиж Аль-Насср багт элссэн 39 настай тэрбээр Саудын Арабын Про лигт 34 тоглолтонд оролцож 33 гоол, 11 оновчтой дамжуулалт өгсөн гайхалтай амжилт үзүүлсээр байна. 

Аль Насср клубээс Отавиа 20 дахь минутад гоолын салхийг нээсэн бол 22 дахь минутад Ал Тай клубээс Виргил Мисидиан хариу гоолыг хийсэн байна. Үүнээс ердөө 14 минутын дараа Виргил улаан карт авч, талбайгаас хөөгджээ. Улмаар эхний хагасын шүүгчийн мэдлийн нэмэлт цагт Абдулрахман Гарееб гоол оруулж, Аль Насср клуб эхний хагасыг 2-1-ийн харьцаагаар давамгай өндөрлүүлжээ.

Улмаар тоглолтын 64', 67', 87' дахь минутад Криштиану Роналду гоол оруулснаар, Аль Насср клуб 5-1-ээр өрсөлдөгчөө буулган авав.