2 настайгаасаа аавыгаа тэмцээн болгонд нь цуг явдаг, аавтайгаа байнга харилцдаг байсан. 5 настайдаа хамгийн анхны Мини Волейболын УАШТ-д орсон. Сагстай холбоотой дурсамж гэвэл сургуулийн аваргад тоглож байгаад самбарт үсэрч байхдаа хөлөө эвүүлж буугаад унахдаа тохойгоо гэмтээж байсан. Тэрнээс хойш хаширсан даа.

Дээд лигт 3 дахь жилдээ тоглосон Хамгийн анхны жилдээ Ховд Хилчин Алтайн Барс багаас, сүүлийн 2 жилдээ Өмнөговь Шанх Транс багаас өрсөлдсөн. Хамгийн сэтгэлд үлдсэн улирал гэвэл 2022 оны улирал байсан. Мэргэжлийн тамирчин болоогүй байгаа мэдрэмж авсан.

Сэлэнгэ аймаг Мандал сумын 3-р сургуульд 10 жилээ сурч дүүргэсэн. Их сургууль БНСУ-д суралцдаг. Волейболоос гадна волейболын хувцас, өмсгөл үйлдвэрлэдэг (MUZUN sports brand) гэр бүлийн бизнес эрхэлдэг. Гэр бүлийнхээ ажилд чадахаараа туслахыг хичээдэг. Өөрийгөө хөгжүүлэхийн тулд олон зүйл туршиж үзэх дуртай, сонирхолтой зүйл уншиж, үздэг.

Анх аавыгаа дуурайж, 8 дугаартай өмсгөлтэй байсан. Дараа нь эгч бид хоёр ярьж байгаад аавын чадварыг хувааж авна гээд 4, 4 дугаартай болж байсан. Сүүлдээ таарсан тоогоо өмсдөг болсон доо.

Эмэгтэй хүний биед орвол хамгийн түрүүнд ээжийнхээ биед орж бодлыг нь уншиж үзмээр байдаг.

Супер хүчтэй болбол бодол уншиж сурах байсан. Хүнийг амархан таних байх.

Эмэгтэй хүний хүлээцтэй, хаана ямар үйлдэл хийхээ мэддэг хүнд дуртай. Найз охиныхоо харцанд нь татагдсан.

Чөлөөт цагаараа аялж, гулгах дуртай. Дуртай хамтлаг гэвэл A Sound, Colors. Дуучин гэвэл С.Жавхлан ах бол best of best. Дуртай кино гэвэл уран зөгнөлт кинонд дуртай.

Гаргасан онцлох амжилт гэвэл Үндэсний дээд лигийн мөнгөн медаль. Цаашдын зорилго гэвэл гадны улсад бэлтгэгдэж ур чадвараа дээшлүүлэхийг хүсэж байгаа.