
2000 оны 10-р сарын 20-нд Завхан аймгийн Их Уул хотод төрж өссөн. Ам бүл 7. Аав, ээж, 2 эгч, нэг ах, нэг дүүтэй. Ах, эгч нар бүгд тусдаа гарсан. Аав, ээжтэйгээ амьдардаг. Манай өвөө аймгийн заан хүн байдаг. Ээжийн талд бас бөхчүүд байдаг. Ээжийн төрсөн дүү Батжаргал гээд аймгийн заан хүн байгаа. Мөн улсын гарьд Гончигдамба ээжийн талын хамаатан. Манай удамд урлагийн хүмүүс мөн бий. Далантай гавьяат ээжийн ойрын хамаатан. Багадаа би их дүрсгүй, хөдөлгөөн ихтэй хүүхэд болсон. Намайг бөхөөр хичээллүүлэх гэж их үзсэн. Бөх бол болоогүй сагсчин болсон.

Сагс зурагтаар үзэж, ах нарыг үзэж дэмждэг байсан. Харцага, Хүлэгүүд гээд гоё багуудын тоглолтыг зурагтаар үзэж, сагс бэлтгэл давтдаг болсон. 15 настайгаасаа хойш сагс нэлээн тоглож, аймгийн аваргаас U19 насанд мөнгөн медаль хүртээд урамшсан. Сагс тоглож болж байна, бүтэх юм байна гэсэн бодолтой болж, хотод ирээд U19 насны улсын аварга шалгаруулах тэмцээнд оролцож хүрэл медаль хүртсэн. Тэмцээний бэлгэдлийн таван тоглогчийн шилдэг довтлон тоглогч болж, түүнээс хойш жинхэнэ дурлана гэдэг нь болсон. Тэр цагаас хойш спортоос холдолгүй, тууштай бэлтгэлээ хийж байна. Хөгжөөн дэмжигчдийн уур амьсгал, орилоон шуугиан сонсох гоё байдаг. Гоё довтолгоо, гоё шидэлт хэрэгтэй мөчид хийгээд авах мэдрэмж нь сагс тоглох хүслийг улам их нэмэгдүүлж, сагсанд дурлах түлхүүр нь байдаг юм болов уу гэж боддог.

Өмсгөлийн дугаар 0. Энэ дугаарыг сонгох болсон нь дэмждэг тоглогчидтой холбоотой. Багаасаа би Рассел Уэстбрүүкийг дэмжсэн. Сүүлд Тэйтумийг дэмжиж байгаа. Дуртай тоглогчид 0 дугаартай. Мөн бүх юм 0-ээс эхэлдэг гэдэг. Бүх юм тэгээс эхэлдэг учраас би 0-ыг авахыг хүссэн. Би ч бас 0-ээс эхэлсэн. Нөгөө талаараа лого хийсэн ч гэсэн гоё шүү дээ. 0 тооныхоо дунд сум зоох ч юм уу. Учир нь би шидэгч хүн болохоор. Энэ дугаартаа дуртай ер нь сольё гэж нээх бодож байгаагүй. Анхнаасаа энэ дугаараа сонгосон болохоор дуртай.

Эмэгтэй хүний биед нэг өдөр орох боломж байсан бол ээжийнхээ биед орно. Ээжийнхээ биед ороод ээжийнхээ нүдээр ертөнцийг харж үзэхийг хүснэ.

Монголоос дуучин Мишээлийг крашладаг. Гадаадаас Taylor Swift.

HBD Хийжүүлсэн ус 1-ийг авбал 1 үнэгүй 1 хайрцгаас дээш захиалгад хүргэнэ Дэлгүүр, хувь хүн албан байгууллагын захиалга авна Сахаргүй, Калоргүй, Витамин С болон Хүнсний ислэг агуулсан япон улсын бүтээгдэхүүн Ханборгоцой болон Личи жимсний амттай Япон улсын Haruna брэндийн бүтээгдэхүүнүүд Монголд албан ёсны эрхтэйгээр борлуулагдаж байна. HBD сахаргүй ус нь ✅Цусан дахь өөх тосыг багасгаж зүрхний шигдээснээс сэргийлнэ ✅Хоолны шингэц сайжруулж өтгөн хаталтаас сэргийлнэ ✅Өдөр тутмын хэрэглээнд тохиромжтой ✅Содны агууламж бага тул бусад хийжүүлсэн ундаа, ус шиг шүдний пааланг гэмтээхгүй ✅Бие махбодод хүчиллэг орчин үүсгэдэггүй ✅Витамин С, Хүнсний эслэгийн агууламжтай ✅Лиши жимсний хандтай ☎️8902-5010

Супер хүчтэй байсан бол нисэж үзэх байсан. Өөрийн биеэр нисэж үзвэл гоё санагдаж байна. Хотууд дээгүүр нисэж, дээрээс юмыг харж үзнэ.

Сүүлд их сонсож байгаа дуу бол Gunna & Future-Fushin P

Ээжийн хийсэн хоолнуудад дуртай. Өөрийнхөө хийсэн паста, будаатай хуурганд дуртай байгаа. Мөн цагаан хоолны зутангуудад дуртай болчихсон.

Хулганаас хамгийн их айна. Муухай, жихүүдэс хүргэмээр. Яагаад ч юм аймар байдаг.

Миний хобби бол спортоор хичээллэх. Playstation тоглох дуртай. Ууланд алхах мөн дуртай. Дуу сонсоод чимээгүй тайвшрах дуртай. Чөлөөт цагаараа багийнхантайгаа PS тоглодог. Зав цаг гарвал хөгжилтэй ч байхыг хүсдэг. Тайван байхыг ч хүсдэг.










