Сагсан бөмбөгөөр 15 настайгаасаа хичээллэж эхэлсэн. Тухайн үед лигийн тэргүүн тоглогч Бүжинлхамын Пүрэвдорж багш 23-р сургуульд багшилж байхдаа сагсан бөмбөгийн гарааг маань эхлүүлж байсан. 15дахь жилдээ дээд лигт тоглож байна. Баянзүрх Буллс, Муис QGX MBM, Монторх, Sentosa Lions, Гарьд, Darkhan united багуудад тоглосон. 2008-2009 оны улирал хамгийн сэтгэлд хоногшсон. МУИС-ын оюутны шигшээ багаараа дээд лигт дэд аварга авч байсан үе.

Газар тариалан эрхэлдэг. Аймаг, сумын аварга тариаланч. Төв аймгийн Сүмбэр суманд тариалан эрхэлдэг.

Эмэгтэй хүний цэвэр цэмцгэр зан чанарт дуртай. Эхнэртэйгээ анх спорт зааланд танилцаж байсан. Эхнэр маань волейболын тамирчин байсан болохоор ойлголцоход амар байдаг. Намайг сагсан бөмбөг тоглоход үргэлж дэмждэг.

Kobe шигшээ багтаа 10 номертой тоглодог байсан болохоор 10 номерыг сонгосон. Kobe Bryant , Kevin Garnett, Dwayne Wade, Manu Ginobili эдгээр тоглогчдын тоглолтыг үзэж өссөн.

Msports app-ын Plus+ хэрэглэгч болсноор мэргэжлийн дасгалжуулагчдын видео хичээлүүдийг хэзээ ч хаанаас ч үзэх боломжтой. Апп татах: https://onelink.to/wvgkqe

Супер хүчтэй болох боломж байсан бол ямар ч өвчнийг эдгээдэг хүчтэй болох байсан.

Дээд лигийн 2 хүрэл, 1удаагийн дэд аварга, 2 удаагийн аварга. Азийн элсний наадмын 3х3 дэд аварга. 2013 онд шинэ шилдэг тоглогч, 2017 онд шилдэг 6 дахь тоглогчоор шалгарсан. Цаашдын зорилго Darkhan united багтайгаа өндөр амжилт үзүүлэх.

Эмэгтэй хүний оронд нэг өдөр орох боломж байсан бол хүүхдээ хөхүүлж үзэх байсан.

Чөлөөт цагаараа найзуудаараа, багаараа PC тоглох дуртай. Солонгос нэг ангитай кино үзэх дуртай.

Өнөөгийн нийгэм нь хүнээ бодсон хүн рүүгээ чиглэсэн байгаасай гэж хүсдэг.