2003 онд Эрдэнэт хотод төрсөн. Ам бүл тавуулаа. Манай гэр бүлийнхэн их хөгжилтэй хүмүүс байдаг. Манай удамд оюун ухааны спорт шатрын хүмүүс байдаг. Багадаа сахилгагүй хүүхэд байсан. Одоо ч гэсэн сахилгагүй хэвэндээ. Том болоод онгоцны нисгэгч болохыг хүсдэг байсан.
Сагсан бөмбөгийн спортоор анх 7-р ангидаа хичээллэж эхэлсэн. Манай хамаатнуудад сагсчин ах нар олон байсан. Ганаа ахыгаа хараад сагс тоглодог сагсчин болохыг хүссэн. Сагстай холбоотой бага насны дурсамж гэвэл бага байхдаа Ганаа ахтай зааланд байнга очно. Найзуудтай нь сагс тоглоод, Ганаа ахдаа байнга загнуулдаг байснаа л санадаг даа.
Бэртэлтэй үеэ ч гэсэн талархаж хүлээж авсан. Бурхан намайг талбайн гаднаас тоглолтыг хар гэж байгаа юм байна гээд талархаж хүлээж авсан. Ишлэл унших дуртай. Хамгийн сүүлд урам зориг авч байгаа ишлэл гэвэл “Өнөөдөр их юм сураагүй байсан ч, багыг сурсан, багыг сураагүй ч ядаж бид өвдөөгүй, өвдсөн байлаа ч ядаж бид үхээгүйд талархъя, босоцгооё” гэж хэлсэн Гаутама Буддагийн ишлэл.
Эмэгтэй хүний биед орох боломж гарвал эмэгтэй болж найзууд дээрээ очиж айлгүйтэйд ямар реакшн гаргахыг нь харна.
Өмсгөлийн дугаарын хувьд Ганаа ахыг харж, 4 номерийг авч байсан. Майнерс багтаа ороод Ганаа ах 4 болохоор давхцаад ижилхэн 4 юм чинь гээд 44-ийг сонгосон. Одоо бол 44-тээ дасаад энэ дугаартаа л дуртай. Шигшээ багийн хувьд 2 номерийг зүгээр л сонгочихсон. NBA-ээс Голден Стэйт Уарриорс. Дуртай тоглогч Лука Дончич, Стефен Көрри.
Msports app-ын Plus+ хэрэглэгч болсноор мэргэжлийн дасгалжуулагчдын видео хичээлүүдийг хэзээ ч хаанаас ч үзэх боломжтой. Апп татах: https://onelink.to/wvgkqe
Супер хүчтэй байх боломж гарвал Captain Marvel шиг хүчтэй болно. Яагаад вэ гэвэл гунигласан, уурласан үедээ дэлхий дээр биш өөр гараг дээр очиж тайвширна. Галактик руу гарч тайвширвал гоё.
Хэн ч бай, хэнтэй ч бай чин сэтгэлээсээ харьцдаг эмэгтэй хүнд дуртай. Маягтай охидуудад дургүй.
Гаргасан онцлох амжилт олон биш. Skill challenge-ийн дэлхийн аваргын MVP. Одоо байгаа түвшнээсээ ахиж, дараагийн түвшинд гарах зорилготой. Мөн би өөрийнхөө мэргэжлийг бодож олсон, тэр мэргэжлээрээ сурах зорилготой.
Чөлөөт цагийн хувьд янз бүр. Миний сэтгэл санаа олон төрлийн байгаад байдаг. Хааяа ганцаараа, хааяа найзуудтайгаа олон түмэнтэйгээ баймаар. Дуртай дуучин KA ах, Cili ах. Дуртай кино байхгүй. Дуртай хүүхэлдэйн кино байгаа “Pigland” гээд.
Өнөөгийн нийгмийг хараад маш их хурдны зам байгаасай гэж хүсдэг. Түгжрэлгүй байгаасай гэж хүсдэг. Гэрээсээ гараад маш хурдан бэлтгэл рүүгээ очиж, ажлуудаа амжуулах боломжтой байгаасай гэж хардаг.
