Монголын хөлбөмбөгийн премьер лиг энэ улирлаас шинэ бүтэц, зохион байгуулалттай болжээ. Европын хөлбөмбөгийн томоохон лигүүд холбооноосоо тусдаа, бие даасан компанийн байдалтай үйл ажиллагаа явуулдаг жишгийн дагуу Монголын Премьер лиг ХХК албан ёсоор байгуулагдсан байна. Ийнхүү Монголын Премьер лигийн өвлийн амралт дуусч, улирлын хоёрдугаар хагас өнөөдөр эхэлж байна.

Монголын Премьер лигийн улирлын дундуурх солилцооны цонх хаагдаж, өнөөдөр хоёрдугаар тойргийн тоглолтууд Төв аймаг дахь Үндэсний шигшээ багийн бэлтгэлийн төвд эхлэхэд бэлэн болоод байна. Лигийн хоёрдугаар тойрог эхлэхээс өмнө, хөлбөмбөгийн нэгэн томоохон хэсэг болох улирлын дундах тоглогчдын шилжилт хөдөлгөөний цонх 02-р сарын 28-ны өдөр хаагджээ. 

Ингээд лигийн солилцооны цонхоор явагдсан шилжилтүүдийг толилууъя.