Өлзийбат Индра

2001 онд Улаанбаатар хотод төрсөн. Ам бүл тав. Аав, ээж, 2 дүү, эмээгийн хамт амьдардаг. Түүний аав Өлзийбат боксын спортоор хичээллэдэг. Аавынх нь дүү нь газрын теннисээр хичээллэдэг байна.

Индра 5-р ангиасаа сагсан бөмбөгийн сургуулийнхаа шигшээд явж эхэлсэн. Бага байхдаа гадаа шийдэн дээр үеийнхнийхээ хамтаар тоглодог байсан. Шантрах үе гарч байсан ч тэвчээртэй байсаар өдий хүрсэн. Индра олон төрлийн спортоор хичээллэж үзсэн. Хөлбөмбөг, боксоор хичээллэж байсан. Ялангуяа UFC тулааны спортод их дуртай байсан. Олон спортыг хослуулах боломжгүйг мэдээд сагсан бөмбөгийн спортоо сонгосон.

Чөлөөт цагаараа дуу сонсож хол замд аялах дуртай. Сагсан бөмбөгөөс гадна UFC-ээр хичээллэдэг.

Түүний амьдралдаа хийсэн хамгийн зөв шийдвэр бол сагсан бөмбөгийн спортыг сонгож тууштай хичээллэж байгаа явдал.

Түүний хамгийн их айдаг зүйл бэртэл гэмтэл. Хүнд гэмтэл авбал тамирчин хүн ахиж талбайд гарч чадахгүй болох вий гэдгээс айдаг.

Түүний хамгийн дуртай хоол шарсан тахиа болон цуйван. Түүний аав цуйванд дуртай болохоор аавтайгаа ижилхэн цуйван идэх дуртай.

Тэрбээр хүний үнэнч занд дуртай. Үнэнч байдалтай хүн хамгийн таалагддаг.

Индра нь сагсан бөмбөгийн нийслэлийн аварга болж тухайн тэмцээнийхээ үнэ цэнтэй тоглогч “MVP”-ээр шалгарч, Орос явах эрхээр шагнуулж байсан. Өсвөрийн улсын аваргын дэд байрны эзэн, үнэ цэнтэй тоглогч. 2018, 2019 оны Оюутны лигийн аварга, улирлын MVP, финалын MVP, 2020 оны оюутны лигийн дэд байрын эзэн, 2021, 2022 оны оюутны лигийн мөнгөн медальт тамирчин.

Сэтгэлээр унасан үедээ салхинд гарч, дуу сонсох дуртай. Хотоос хол явж, дуу сонсож тайвширдаг.