Хөлбөмбөгийн дэлхийн аварга шалгаруулах тэмцээнд оролцох эрх авсан 32 багийн 19 нь нээлтийн тоглолтынхоо бэлтгэлийг хангах хооронд тамирчид олон нийтийн бүлгүүдтэй уулзаж, тэмцээнийг зохион байгуулахад оруулсан хувь нэмэр, дэмжлэгийг үнэлжээ. Ихэнх арга хэмжээ баг бүрийн бэлтгэлийн талбайд болж, тоглогчид, дасгалжуулагчид орон нутгийн залуучууд, ажилчид, сайн дурын ажилтнууд, эмэгтэй хөлбөмбөгчидтэй уулзаж, хөлбөмбөгийн тухай ярилцаж, бие биенээ дэмжин урамшуулсан тухай Олон улсын хөлбөмбөгийн холбоо мэдээлж байна. Нүүр тулсан уулзалтууд нь тоглогчид болон олон нийтийн хоорондох саад бэрхшээлийг арилгахад тусалж, тоглоомын эерэг үнэ цэнийг сурталчилж, бүс нутгийн эргэн тойронд инээмсэглэл, халуун дулаан уур амьсгалыг бий болгосон байна.
Катар, Канад, Австрали, Бүгд Найрамдах Солонгос, Серби, Коста Рика улсууд бүгд бие даан оролцож, Катар 2022 хөлбөмбөгийн ДАШТ-ий албан ёсны сайн дурын ажилтнуудтай уулзжээ. Тоглогчдын хувьд энэ нь Ойрхи Дорнод болон Арабын ертөнцөд болсон анхны хөлбөмбөгийн дэлхийн аварга шалгаруулах тэмцээний өмнө сайн дурын ажилтнуудад олон сарын турш хичээл зүтгэл гаргасанд талархаж буйгаа илэрхийлэх боломж байлаа. Сайн дурынхны хувьд хөлбөмбөг тоглож, мэргэжлийн хүмүүстэй хамт торгуулийн цохилт хийх боломж нь амьдралдаа нэг удаа тохиолдох нандин мөч болсон байна.
Дэлхийн аварга шалгаруулах тэмцээнд оролцогч АНУ, Англи, Нидерланд, Аргентин улсууд хөлбөмбөгийн ДАШТ-ий дэд бүтцийн бүтээн байгуулалт, менежментийн ажилд оролцож буй ажилчидтай уулзсан бөгөөд тэд томоохон зорилтоос илүү нийтлэг зүйлтэй байгааг олж мэджээ. Шигшээ багийн тоглогчид болон тус хуралдаанд оролцохоор сонгогдсон хөлбөмбөг сонирхогчдын хооронд олон янзын соёлыг холбох илэн далангүй боломжууд гарч ирсэн байна.
Уэльс, Саудын Араб, Испани, Бразил зэрэг улсууд “Generation Amazing”-ийн залуу удирдагчид, өөрчлөлт бүтээгчидтэй уулзжээ. Залуу хөгжөөн дэмжигчдийн хувьд авъяаслаг залуучуудыг харилцан хүндэтгэж, хөлбөмбөгийн хүчээр нийгэмд эерэгээр нөлөөлөх эрхэм зорилгыг илэрхийлсэн талархалтай тоглогчдын хайр сэтгэлээр дүүрэн байсныг онцолж байна. Марокко, Гана улс орон нутгийнхаа нийгэмлэгийн сонирхогчдын хөлбөмбөгчидтэй уулзаж, түүхэн тэмцээнийг бэлтгэхдээ олон талт байдал, хүртээмжтэй байдлын сэдвүүдийг мөн хөнджээ. Дэлхийн аваргын эхний тоглолтуудын өмнө бэлтгэлийн талбайд ийнхүү тоглогчид хөлбөмбөгтэй холбоотой бүлэг, ажилчид, залуучуудтай уулзаж урамшуулсан байна.
Н.Бэлгүүн
