Азийн холимог тулааны холбооноос зохион байгуулж буй тус тэмцээнд Азийн 20 гаруй орны баг тамирчид оролцохоор мэдүүлэг өгчээ. Харин манай улсаас зургаан тамирчин, нэг дасгалжуулагч, нэг шүүгчийн бүрэлдэхүүнтэй баг оролцох юм. Тодруулбал, эмэгтэйчүүдийн 55 кг-д Д.Ариунгоо, 60 кг-д Б.Өлзийтнаран нар өрсөлдөх бол эрэгтэйчүүдийн 55 кг-д Р.Баасанжаргал, 60 кг-д Б.Анх-Ирээдүй, 65 кг-д Э.Билэгт, 70 кг-д М.Өнөмөнх нар тулалдах ажээ. Баг тамиирчдыг ахлан “Болд нударга” клубын дасгалжуулагч Т.Болдбаатар ажиллана.

Энэхүү тэмцээний өмнө Азийн олимпын зөвлөл болон Азийн холимог тулааны холбоо хамтран шүүгч, дасгалжуулагчдын хөгжлийн анхдугаар хөтөлбөрийг хэрэгжүүлэв. Энэ хүрээнд Манама хотод шүүгч дасгалжуулагчдын мэдлэгийг тэлж, ур чадварыг нэмэгдүүлэн сайжруулах зорилгоор сургалт зохион байгуулсан байна. Уг сургалтад манай улсаас Б.Долгорсүрэн, Ж.Лхагвабат, П.Энх-Эрдэнэ, Г.Чулуунхуяг нар хамрагдсан аж.