Зүүн Азийн Волейболын эмэгтэйчүүдийн Аварга шалгаруулах тэмцээн 08-р сарын 26-наас 31-ний хооронд Хятадын Хонг Конг улсад зохион байгуулагдаж байгаа билээ. Манай улсын шигшээ баг зүүн азийн Волейболын эмэгтэйчүүдийн аварга шалгаруулах тэмцээнд 11 дэх удаагаа оролцож байгаа бөгөөд өмнө нь 2000 онд мөнгөн медаль, 2008 онд хүрэл медаль хүртэж байсан.

Манай баг тэмцээний А хэсэгт багтсан бөгөөд эхний тоглолтоо Хятадын Тайваны шигшээ багтай хийж 3:0 харьцаатай хожигдсон бөгөөд өчигдөр хэсгийн хоёр дахь тоглолтоо талбайн эзэн Хятадын Хонг Конгын шигшээ багтай хийж эхний хоёр сетэд 25:23 25:23 харьцаатай хожиж 2:0 харьцаатай тэргүүлж байсан ч гуравдугаар сетэд 24:26 дөрөвдүгээр сетэд 23:25 шийдвэрлэх тавдугаар сетэд 11:15 харьцаатай хожигдож А хэсэгт 1 оноотой сүүлд бичигдэх нь тодорхой боллоо. Ингэснээр манай шигшээ баг тавдугаар байрны төлөө тоглоно.