FIFA болон Европын сагсан бөмбөгийн холбооноос зохион байгуулдаг “Евро Баскет 2025” тэмцээний тоглолтууд өчигдөр албан ёсоор эхэллээ. Нийт 24 улсын шигшээ багууд дөрвөн хэсэгт зургаа зургаагаар хуваагдан өрсөлдөх болно. Тэгвэл “А” болон “В” хэсгийн гурав, нийт зургаан тоглолт болж өнгөрснийг тоймловол.

“А” хэсгийн тоглолт:

Серби болон Эстони шигшээ багууд тоглож 98-64-ийн харьцаатай Серби улсын баг хожил авлаа. Серби улсын бүрэлдэхүүнээс Никола Йокич 11 оноо, 10 самбараас бөмбөг авалт, 7 дамжуулалт өгсөн бол Никола Жович 18 оноо авч багтаа тус хүргэлээ.

Дараагийн тоглолт Турк болон Латви улсын шигшээ багууд тоглож 93-73-ийн харьцаатай Турк улсын шигшээ баг хожлоо. Турк улсын бүрэлдэхүүнээс Сэди Осман 20 оноо, Кениан Сипахи 19 оноо, Алперэн Шенгүн 16 оноо, 8 самбараас бөмбөг авалт, 7 дамжуулалт гэсэн үзүүлэлт үзүүлжээ.

Португали болон Чех улсын шигшээ багууд тоглож 62-50-ийн харьцаатай Португал улсын шигшээ баг эхний хожлоо авлаа. Португал улсаас Neemias Queta 23 оноо, 18 самбараас бөмбөг авалт, 4 хаалт гэсэн сайн тоглолт үзүүлж багаа хожилд хөтөлсөн байна. 

Ингэснээр “А” хэсэгт байгаа зургаан багийн хожил байгуулсан гурван баг тус бүр 2 оноо, харин хожигдсон гурван баг тус бүр 1 оноо авлаа.

“В” хэсгийн тоглолт:

Литва болон Их Британи улсын шигшээ багууд тоглож 94-70-ийн харьцаатай Латви улсын шигшээ баг хожил байгууллаа. Латви улсын бүрэлдэхүүнээс Жонас Валанчунас 18 оноо, 9 самбар, Azuolas Tubelis 17 оноо, 7 самбараас бөмбөг авалт гэсэн үзүүлэлт үзүүлсэн байна. Багийн бусад тоглогчид бүгд жигд үзүүлэлт үзүүлжээ.

Дараагийн тоглолт Герман болон Черногори улсын шигшээ багууд тоглож 106-76-ийн харьцаатай Герман улсын шигшээ баг хожил байгууллаа. Герман улсын бүрэлдэхүүнээс Франц Вагнер 22 оноо, Деннис Шрёдер 21 оноо, Андресс Обст 18 оноо авч сайн тоглолт үзүүллээ. Харин Черногори улсын бүрэлдэхүүнээс Никола Вүчевич 23 оноо, 10 самбараас бөмбөг авалт, 5 дамжуулалт өгсөн ч баг нь хожиж чадсангүй. 

"В" хэсгийн сүүлийн тоглолт Финланд болон Швед улсын багууд маш ойролцоо тоглож 93-90-ийн харьцаатай Финланд улсын шигшээ баг хожил байгууллаа. Финланд улсын бүрэлдэхүүнээс Лаури Маркканен 28 оноо, 6 самбараас бөмбөг авалт, Сасу Салин 11 оноо, 7 дамжуулалт гэсэн үзүүлэлтээр багаа хожилд хөтөлсөн байна. Швед улсын бүрэлдэхүүнээс Ludvig Hakanson мөн 28 оноотой, алсын зайнаас 6-н удаа оруулжээ.

Ингэснээр “В” хэсэгт байгаа зургаан багийн хожил байгуулсан гурван баг тус бүр 2 оноо, харин хожигдсон гурван баг тус бүр 1 оноо авлаа.