ОУОХ-ны Олимпын эв санааны нэгдлийн хөтөлбөрийн хүрээнд триатлоны дасгалжуулагчид олон улсын 1-р зэрэглэлийн сургалтад хамрагдаж байна. Сургалтын нээлтийн ёслол Олимпик хауст зохион байгуулагдаж, МҮОХ-ны Тэргүүн дэд ерөнхийлөгч Ч.Наранбаатар нийт оролцогчдод амжилт хүслээ. Манай улсын 14 дасгалжуулагч хамрагдаж буй энэ удаагийн сургалт 6 хоногийн турш үргэлжлэх бөгөөд Дэлхийн триатлоны холбооны эксперт Энтони Лозадо (Филиппин), Франц Студер (Өмнөд Африк/Швейцар) нар удирдаж байна.
Дашрамд сонирхуулахад, Монголын триатлоны холбоо, Монголын Олон улсын ба үндэсний Спортын арбитр хоорондын харилцан хүлээн зөвшөөрөх, хамтын ажиллагааны гэрээнд өнгөрөгч амралтын өдөр гарын үсэг зурж, шударга спортын төлөө ажиллахаа мэдэгдсэн юм.
