Нью Орлеанс Пеликанс багийн тоглогч Зайон Уильямсон сүүлийн хоёр долоо хоногт нэг тоглолтод дунджаар 27 оноо авч байгаа нь хоёрдугаар курсийнх нь үеийг санагдуулам байна. Тэрбээр ийм амжилтыг үзүүлэхэд томоохон өөрчлөлт хийжээ. ESPN-ийн сэтгүүлч Брайан Виндхорст The Hoop Collective-ийн даваа гаригт гарсан дугаарт Уильямсон багт элссэн нь Пеликанс багийн энэ улиралд үзүүлж буй амжилтад түлхэц болсон гэж мэдэгдэв. Гэсэн ч түүний махлаг байгаа талаар өөр нэгэн тайлбарлагч буюу алдарт Стивен А.Смит өнгөрөгч 12-р сард хэлсэн нь ихээхэн шуугианыг тарьсан юм.

Нэвтрүүлэгч, тайлбарлагчид болон Пеликансуудын хооронд Зионтой холбоотой асуудлууд сошиал медиа маргаан үүсгэсээр байгаа. Тодруулбал, Америкийн спортын сэтгүүлч, тайлбарлагч Стивен Смит "Зион Уильямсонг тарган харагдаж байна" гэж арванхоёрдугаар сард хэлж байсан. "Би гүзээ харсан. Гүнзгий амьсгаа авахад нь гэдэс нь хөдөлдөг, тэр тийм л гэдэстэй. Тэр буфет ороод түргэн хоол идчихээд тоглолтонд ирсэн бололтой.” гэх мэтээр хэлж байв.

Үүгээр ч зогсохгүй Смит "Тэд түүний гэрээнд жингийн заалттай байсныг би мэдэж байна, тэгэх ч ёстой. Зион үүнийг зөрчиж хоолонд донтсон. Би тэгж л таамаглаж байна. Сагсан бөмбөгийн хэллэгээр тэр тарган. Бургер түргэн хоол л иддэх байх, үгүй бол тэр атлетик л байх ёстой” гэх мэтээр ёжлож хэлснээр Пеликансчуудын дэмжигчдийн дургүйцлийг хүргэж, сөргөлдөөн үүссэн.

12-р сараас хойш Зион Уильямсон 12 кг орчим жин хассанаар түүний гүйцэтгэлд нөлөөлж байна. Түүний хувьд бүх талаар ахиж дэвшил гаргаж, тэс өөр тоглогч шиг харагдаж байгааг үзэгч болон мэргэжилтнүүд ярилцаж байна.