Олон улсын сагсан бөмбөгийн холбооноос Тив бүрийн орнуудын сагсан бөмбөгийн аварга клубүүдийн дунд BCL буюу Basketball Champions League-г зохион байгуулж эхлээд байна. Ковидын өмнө тус лиг нь Asia Champions Cup нэртэй байсан ба энэ жилээс нэрээ Basketball Champions League Asia болгон өөрчилжээ. Манай улсын сагсан бөмбөгийн холбоо FIBA-тай хамтын ажиллагааны хүрээнд тус тэмцээний эхний шатны тоглолтуудыг эх орондоо зохион байгуулах эрх авсан юм. BCL-Asia Qualifier-ын 1-р тойргийн тоглолтууд 4-р сарын 3-7 өдрүүдэд манай улсад зохиогдоно. 

Азийн клубүүдийн аваргын тэмцээнд манай улс зохион байгуулж буй давуу эрхээ ашиглан хоёр баг оролцуулах боломжтой болсон юм. Сагсан бөмбөгийн Үндэсний дээд лигийн аварга Хасын Хүлэгүүд болон дэд байрт шалгарсан Бишрэлт Металл багууд тус тэмцээнд өрсөлдөх эрхээ авсан билээ. Жил бүр зохиогддог тус тэмцээнд жил бүр хоёр баг оролцоно гэсэн үг биш бөгөөд хэрвээ эхний шатаа давж чадвал ирэх жилүүдийн дээд лигийн аварга багууд өрсөлдөнө. 

Бишрэлт Металл багийн хувьд урьдчилсан шатанд А хэсэгт хуваарилагдсан. Тус бүсэд Индонез улсын Prawira Harum Bandung баг, Малайзын NS Matrix Deers, Хонг Конгын Hong Kong Eastern Basketball Team зэрэг багууд өрсөлдөнө. 

Хасын Хүлэгүүд баг тэмцээний Б хэсэгт Тайланд улсын Hi-Tech Basketball Club, Сингапурын Adroid Club, Индонез улсын Pelita Jaya Basketball багуудтай өрсөлдөнө. 

Улаанбаатар хотод болох тоглолтуудын хуваарь: 

04.03-нд 17:30 – Хасын Хүлэгүүд vs Adroit

04.03-нд 20:00 - Prawira Harum vs Бишрэлт Металл

04.04-нд 17:30 – Бишрэлт Металл vs Matrix

04.04-нд 20:00 - Pelita Jaya vs Хасын Хүлэгүүд  

04.06-нд 17:30 - HK Eastern vs Бишрэлт Металл

04.06-нд 20:00 - Hi-Tech vs Хасын Хүлэгүүд