Францийн усанд сэлэгч Леон Маршан 400 метрийн ганцаарчилсан холимог сэлэлтийн төрөлд алтан медаль хүртэж Парисын олимп дахь дөрөв дэх алтан медалиа хүртлээ. 22 настай Маршан эх нутагтаа болж буй олимпын наадамд үнэхээр өнгөлөг байна. 

🥇 Тэрбээр энэ олимпод 200м-ын араар даллах төрөлд Алтан медаль

🥇 200м-ын эрвээхэй сэлэлтийн төрөлд Алтан медаль

🥇 200м-ын холимог сэлэлтийн төрөлд  Алтан медаль

🥇 400м-ын холимог сэлэлтийн төрөлд Алтан медаль

Түүний энэхүү амжилт цөс ихт Францчуудыг доргиож, баясгаж, жаргааж байна.

• Майкл Фелфсийн 2008 оны Бээжингийн олимпод 400м-ын холимог сэлэлтийн төрөлд үзүүлж байсан 4:03.84амжилтыг 04:02.95 болгон ахиулж, олимпын цоо шинэ рекордыг тогоов. 
• 200м-ын холимог сэлэлтэд мөн 2008 онд Майкл Фелфсийн үзүүлж байсан 1:54.23 амжилтыг 1:54.06 болгон ахиулж, шинэ үеийн шилдэг усанд сэлэгч төрөн гарч ирж буйг дэлхийд зарлалаа. 



Түүний тухай сонирхолтой баримтууд олон бий. Леон Маршаны зөвлөгч, дасгалжуулагч нь Майкл Фелпсийн дасгалжуулагч асан Боб Боуман хэмээх эрхэм. 2020 оны Токиогийн олимпын дараа Леон Маршан түүнээс дасгалжуулж өгөөч хэмээн тусламж хүссэн захидал илгээхэд Боб Боуман зөвшөөрч энэхүү амжилтыг үзүүлэхэд нөлөөлжээ. Парисын наадамд 400м-ын усанд сэлэлтийн цоо шинэ рекорд тогтоохыг Майкл Фелфс мэдэж байсан мэт өөрийн нүдээр үзээд сууж байлаа.

Бичвэрийн гарчигт дурдсанчлан тэрбээр усан сэлэлтийн гэр бүлд мэндэлсэн удам дамжсан усанд сэлэгч юм. Түүний аав Завьер Маршан нь мөн усан сэлэлтийн тамирчин байсан ба 1996 оны Атлантагийн олимп, 2000 оны Сиднейгийн олимпод тус тус оролцож байсан ба Дэлхийн аваргын 6 алт, 10 мөнгө, 9 хүрэл медальтай Францын алдарт усанд сэлэгч юм. Мөн түүний ээж Селине Боннет нь 15 настайгаасаа Францын олон рекордыг эвдэж эхэлсэн алдартай усанд сэлэгч бөгөөд 1992 онд Барселоны олимпод оролцож байжээ.

Парисын олимпын үеэр бас нэг сонирхолтой зүйл болсон нь Леон Маршаны аавыг олимпод оролцож байх үед нь ярилцлага авч байсан сурвалжлагч 24 жилийн дараа түүний хүүгээс мөн адил олимпын наадамд ярилцлага авсан байна. 

Дөрөв дэх алтан медалиа хүртсэн Леон Маршан "Уур амьсгал үнэхээр гайхалтай байсан. Яг одоо төрж буй сэтгэл хөдлөлөө яаж тайлбарлахаа мэдэхгүй байна. Уралдааны өмнө, мөн уралдааны барианд гарах үед миний шар үс босож байлаа. Араар даллаж сэлэх үед намайг дэмжиж байгаа бүх хүмүүс надад сонсогддог. Өнөөдрийн ялалт үнэхээр онцгой, бас гайхалтай байлаа” хэмээн амьсгаа өндөртэйгөөр хэлжээ.

Түүний медаль хүртэх болгондоо гараараа тоолж буй"Celebration" нь Францчуудын сэтгэлийг хөдөлгөж буй ба түүнийг дахин медаль авна хэмээн олон хүмүүс найдаж байна.