“Парис-2024” зуны 33 дахь олимпын наадмын жүдо бөхийн ганцаарчилсан төрөл өчигдөр өндөрлөсөн бол "Токио-2020" наадмаас эхлэн нэмэгдсэн багийн аварга шалгаруулах тэмцээн өнөөдөр эхэллээ. Манай баг С хэсэгт эхний барилдаанаа Израйлын багийн эсрэг туллаа. Манай тамирчид зарим жиндээ эрх аваагүй тул жин өгсөж барилдсаныг онцолж хэлмээр байна.

Эхний барилдааныг

+90 кг Б.Гончигсүрэн Peter PALTCHIK-ийн эсрэг хийж 10-0 харьцаатай, -57 кг Л.Сосорбарам Timna NELSON LEVY-тай барилдаж 10-0 харьцаатай, -73 кг Ё.Басхүү Tohar BUTBUL-тай барилдаж, нэмэлт цагт харамсалтайгаар ялагдсан.

0-3 харьцаатай манай шигшээ тун хэцүү байдалд ороод байхад Л.Энхрийлэн жин өгсөж -70 кг барилдахдаа Gili SHARIR-ийн нэмэлт цаг буулган авч шигшээ багийнхаа галыг асаав. Улмаар мөн жин өгссөн Б.Эрдэнэбаяр -90 кг Sagi MUKI-г үндсэн цагт цэвэр ялж, 2-3 харьцаатай цувралыг ойртууллаа. Шийдвэрлэх барилдаан +70 кг-ын жинд А.Адъяасүрэнгийн гарт ирэхэд Raz HERSHKO-д даралтанд оруулж, вазаригаар ялалт байгуулан 3-3 харьцаатай болгов.

Улмаар шийдвэрлэх барилдааныг сугалаа явуулж шийдэх дүрэмтэй ба дэлгэцэн дээр олон жингүүд ээлжлэхэд ОУХМ Б.Эрдэнэбаярын оролцсон жин буюу -90 кг дээр дэлгэцийн тооцоолол зогслоо. Нэмэлт барилдааны дүрэм Голден Скор буюу хамгийн түрүүлж оноо авсан тамирчин ялалтыг авдаг ба Б.Эрдэнэбаяр өмнө нь ялсан Sagi MUKI-тай дахин барилдаж, жижигхэн мөчид алдаа гаргаснаар Израйлын багт ялалт шилжлээ. Ийнхүү Парисын наадамд одоогийн байдлаар Монгол улсын цорын ганц медалийн авчирсан Жүдо бөхийн тамирчид маань тэмцээнээ өндөрлүүлж байна. Олон зүйл зааж сургасан, олон тамирчид туршлага суусан гайхалтай олимп болж өнгөрлөө.