Энхбат Лхагвасүрэн

Э.Лхагвасүрэн гэдэг нь төвд нэр, Монголоор орчуулбал "Үлэмж төгөлдөр" гэсэн утгатай. Лхагвасүрэн нь 1988 оны 8 сард Улаанбаатар хот, 1-р төрөхөд Ц.Энхбатын гэр бүлд ууган хүү болон мэндэлсэн. Ам бүл гурав, эхнэр хадам ээжийн хамт амьдардаг. Эхнэр О.Мэндсайхан Япон улсад 10 жилийн турш Бакалавр, Магистрын зэргийг эдийн засгийн мэргэжлээр дүүргэсэн, мэргэжлээрээ ажилладаг. Хадам ээж Л.Одгэрэл технологийн инженер мэргэжилтэй. Лхагвасүрэнгийн эцэг, эхийн хувьд аав нь утга зохиол судлаач, Сэтгүүлч МУСГЗ Ц.Энхбат. Түүний аавыг хүмүүс ТВ9, МҮОНРТВ захирал байсан гэдгээр нь сайн мэддэг. Ээж нь хуульч мэргэжилтэй, дүү нь сэтгүүлч мэргэжилтэй, урлагт дуртай дуучин бүсгүй бий. - Спортын удам гэвэл ээжийнх нь талд бөхийн удам байдаг.

1999 оны 3 сараас эхэлж ширээний теннисээр хичээллэсэн. Эцгийнх нь нөлөө их байсан. Аав нь ширээний теннисний спорт их сонирхдог, найзууд нь улсын аварга мундаг тамирчид байсан. Шантрах үе олон байсан. Аав нь түүний дэргэд байгаагүй бол өдийд аль хэдийн тоглохоо больсон байх болов уу гэж боддог. Спорт гэхээсээ илүү хор шарандаа автаад нэг л мэдэхэд 23 жил тоглосон байна. 2000 онд 12 насандаа анх удаа хүрэл медаль авснаар ялалтын мэдрэмжид донтсон. Тэр мэдрэмжээ дахин дахин мэдрэх хүсэлдээ автсан. Ширээний теннис өөрөө маш олон нарийн техникүүд байдаг, жил ирэх тусам техник нь улам нарийн болж хөгжиж өөрчлөгддөг. Насны хязгаар байхгүй бэлтгэл л хийж байвал үргэлж сайжирдаг, зөв тактик ашиглаж тогловол 50 настай хүн 18 настыг ч хожих боломжтой сайхан спорт.

Чөлөөт цагаараа кино их үздэг. Ном унших дуртай. Мөн гүйх дуртай. Найзуудтайгаа уулзаж ярилцдаг. Martial art төрлийн Jeet Kune Do маш их сонирхдог_ Climbing Wall /Хананд авирах/ мөн дуртай. Өөртөө зав гаргаж байгаад заавал хичээллэнэ гэж боддог.

Амьдралдаа гаргасан хамгийн зөв шийдвэр нь сүүлд гэвэл Токио 2020 олимпын эрх авах тэмцээнд оролцох эрхийн тэмцээний сорилтод оролцсон нь зөв шийдвэр байсан. Тухайн үед бэлтгэл тааруу жингийн илүүдэлтэй өөртөө итгэл буурсан эргэлзэж байсан үе.

Хайртай хүмүүсээ гомдоочих вий гэхээс эмээж явдаг. Амьдрал өөрөө хатуу. Ялангуяа нас дээр гарсан ах дүүс,эмээ, ээж, аавынхаа сэтгэлд нь сэв суулгавал хэцүү.

Сүүлийн үед ээж, эмээгийнхээ хоолыг санаад байдаг болсон сардаа ядаж хоёр гурван удаа идвэл сайхан. Олон төрлийн хоол нэгэн зэрэг идэх дуртай, Япон, Солонгос, Хятад хоолонд түлхүү дуртай.

Эмэгтэй хүний ухаан заадаг тэр чанарт нь хайртай. Аливаад ухаан залж амьдралын чухал мөчүүдэд эмэгтэй хүний ухаан хэрэгтэй байдаг шүү дээ. Ухаантай эмэгтэй хүн гэдэг хаана ч,хэний ч өмнө үзэсгэлэн төгөлдөр харагддаг.

Токио 2020 зуны 32 дахь Олимпод энэ спортоороо эрх авч оролцсон Монголын анхны эрэгтэй тамирчин болсон. Монгол улсад 7 финалдаж 4 түрүүлсэн байна. Ази тивийн шилдэг 32-т багтаж байсан. Багийн ДАШТ 2012-2016 оны хооронд Монголын ранкыг 112-с 65 руу хүргэхэд чухал үүрэг гүйцэтгэсэн. Багийн Е зэрэглэлийн дэлхийн аварга. Цаашдын зорилго гэвэл боломж олдвол олон улсад л өөрийн гаргасан амжилтаа ахиулмаар байдаг. Мэдээж улсын томоохон тэмцээнд амжилтаа мөн ахиулах бодолтой. Мөн тамирчин гэхээсээ илүү шүүгч, дасгалжуулагчийн карьер эхлүүлэх бодол бий.

Амьдралд хамгийн чухал нь хүмүүс. Амьдралд нь багана, тулгуур болж байдаг хайртай хүмүүс Лхагвасүрэнгий том мотивац болдог. Мөн эсрэгээрээ амьдралд гай болж дараа болж төвөг болж, түүнийг үгүйсгэсэн үл тоомсорлосон хүмүүс эерэг цэнэг болж түүнийг цэнэгээр дүүргэдэг. Үлгэр дуурайлал авдаг хүн маш олон бий. Брюс Лий- Bruce Lee бол түүний шүтээнүүдийн нэг.

Сэтгэлээр унасан үедээ өөрөө, өөртэйгөө ярьдаг. Тэрбээр амархан сэтгэлээр унаж амархан сэргэдэг. Сэтгэлээр унасан үедээ гаргалгаагаа л бодож олдог, тэгээд цаг алдалгүй арга хэмжээ авдаг.