Өнөөдөр манай улс анхныхаа Алтан медалийг хүртсэн гайхалтай өдөр байлаа. Боксын спортын 63.5 кг-ын жинд өрсөлдсөн Б.Чинзориг Тайваны тамирчинг гурван үеийн турш илүүрхэж 5:0 харьцаатай ялж Алтан медалийн тавцанд зогссон анхны монгол тамирчин боллоо. Мөн шатрын багийн төрөл үргэлжилж манай эрэгтэй баг зургаа дахь тойргийн дарааа эхний зургаадугаар байрт бичигдэж байна.  

Ийнхүү манай улс 1 алт 4 мөнгө 8 хүрэл медалийг 11 дэх өдрийн байдлаар хүртээд байна. 

 1. Бокс

Үндэсний шигшээ баг, Алдар спорт хорооны тамирчин дэлхийн аваргын мөнгөн медальт МУГТ Б.Чинзориг өнөөдөр 20:15 минутаас Хятадын Тайваны тамирчин 2022 оны Азийн наадмын хүрэл медальт Лай Чу Ентэй  гурван үе тулалдаж    харьцаатай ялалт байгуулан Ханжоу-2022 наадмын анхны Алтан медалийг эх орондоо авчирлаа. Тэрээр шигшээ наймд энэ жилийн Дэлхийн аварга Казакстаны тамирчин Ертуган Зэйнуллиновтой тулалдан итгэл төгс ялалт байгуулж хагас шигшээд Ази тивийн аварга Тайландын тамирчин  Бунжон Синсиритэй тулалдаж гурван үе илт илүүрхэж 5:0 харьцаатай ялалт байгуулан аваргын төлөө тулалдсан юм. Боксын спорт төдийгүй, монголын спорт сонирхогчдын итгэлийг алдалгүй Азийн наадмаас анхны Алтан медалийн тавцанд зогсон эх орныхоо төрийн дууллыг эгшиглүүлэх нь ээ. Одоо түүнд хийж дуусгаагүй ажил ирэх зуны Парисын Олимп үлдлээ. 

2.    Шатар 

15:00 цагаас Шатрын спортын багийн төрлийн 6-р тойрог үргэлжилж манай шатрын мастерууд Узбекстаны багтай тоглон нэг ялж 3 хожигдон нийтдээ 13.0 оноо цуглуулж хүснэгтийн зургаадугаар байрт бичигдэж байна. Харин эмэгтэйчүүдийн багийн төрөлд манай эмэгтэй мастерууд Тайландын багтай тоглон бүх тамирчдыг ялж 4 ялалт байгуулан 12.5 оноо цуглууллаа. Маргааш 15:00 цагаас 7-р тойргийн тоглолтууд үргэлжлэн явагдана. 

3.    Волейбол

10:30 цагаас Манай эмэгтэй шигшээ баг D хэсгийн гурваар шалгарсан Хонгконгын багтай хасагдах шатанд ийнхүү таарсан. Эхний хоёр сэтийг Хонгконгийн баг 25-21, 25-20 харьцаатай авсан ч гурав дахь сэтийг 25-18 харьцаатай авсан манай баг дөрөв дэх сэтэд хүч тэнцүү өрсөлдөн эцсийн мөчид 24-26 харьцаатай ялагдал хүлээлээ. Маргааш 

4.    Унадаг дугуй

Унадаг дугуйн засмал замын эмэгтэйчүүдийн бөөн гараанд манай улсыг төлөөлөн Ж.Анужин оролцож 140 орчим км замыг 3 цаг42 минут 10 секундэд туулан тус төрлийн тэмцээнийг өндөрлүүллээ. Тус уралдаанд 29 орны тамирчид гараанаас гарч 28 нь барианд орсон бол 

Хонконгийн Шиан Юү Ян 3:36.07 цагаар тэргүүлж, БНСУ-ын А Рем На мөнгө, Тайландын Жутарип Манеепхан хүрэл медаль хүртлээ.

Маргааш буюу энэ сарын 5-нд засмал замын дугуйн эрэгтэйчүүдийн бөөн гараа болно. Манай улсаас С.Жамбалжамц, Э.Билгүүнжаргал, Б.Тэгшбаяр, Б.Марал-Эрдэнэ нар уралдах юм.

5. Спорт авиралт

Спорт авиралтын тэмцээн өнгөрсөн Токиогийн олимпоос эхлэн олимпийн наадмын хөтөлбөрт багтаад буй. Өчигдөр эхэлсэн уг тэмцээн өнөөдөр буухиа төрлөөр үргэлжлэн манай тамирчид болох Б.Мөнбаатар, Б.Билгүүн, Ч.Манахбаяр нар оролцон 38.912 амжилттайгаар тэмцээнээ өндөрлүүллээ.