Сагсан бөмбөгийн 3x3 төрлийн энэ оны сүүлийн тэмцээн Саудын Арабын Жедда хотод болж өнгөрсөн. Дэлхийн аялан тоглолтын финалын тэмцээнд сар бүрийн тэмцээнүүдэд дээгүүр оноо цуглуулсан шилдэг 14 баг өрсөлдсөн. УБ Хуйшан 2023 оныг онцгой эхлүүлж эхний гурван аялан тоглолтын түрүүг хэдийнээ хүртээд байсан. Тэдний амжилт дардан байж “Дийлдэшгүй УБ” хэмээх хочийг ч хүртээд амжив. Гэвч тэдний ялагдашгүй гялалзсан байдал 8-р сард болсон Лауссане хотод өндөрлөж, эсрэг багууд тэдэнтэй таарах бүртээ хожих боломжтой мэт тоглож тэд хагас шигшээд шалгарч чадаагүй мултарсан юм. Мастерс ангиллын тэмцээнд найман удаа оролцохдоо аварга хүртээгүй бөгөөд БНХАУ-ын Вуши хотод болсон тэмцээнд финалд шалгарснаас өөр амжилт үзүүлсэнгүй. Тэд бүрэлдэхүүнээ хэд хэд сольсон ч хэрхэн ялах арга замаа олохгүй сүүлийн саруудыг үргэлжлүүлсэн билээ. 

Финалын тоглолтууд эхлэхээс өмнө УБ-ын чансаа унаж АНУ-ын Миами баг аварга авах магадлалтай багаар нэрлэгдэж байв. Гэсэн ч тэд өмнөх жилийн аваргын бүрэлдэхүүнээ дахин бүрдүүлсэн байлаа. Хамгийн гол нь тэдний хамгаалалт болон ямар ч үед хожиход бэлэн байдаг сэтгэлзүйг онцлууштай. Бээжинтэй хийсэн хэсгийн хүнд тоглолтын дараа хагас шигшээд Антверпын хүчирхэг багтай учраа таарав. Багийн ахлагч Стоячич болон Антверпын хамгаалалтын тоглогч Деннис Донкор нарын тулаанд ихээхэн анхаарал хандуулж байсан ч Бельги тоглогч "Доктор Стрэнж" гайхалтай тоглолт үзүүлж байлаа. 

Тоглолт дуусахад 42 секунд дутуу байхад Антверпын алсын зайн шидэлт амжилттай болж 19:18-аар тэргүүлэв. Түүний араас Доктор Стрэнж алсын зайн шидэлт амжилттай гүйцэтгэж 19:20 тэргүүлж байх үед Майсторович өөрийгөө харуулах ёстой тоглолт гэдгээ марталгүй дахин алсын зайн шидэлт гүйцэтгэж 22:19 харьцаатайгаар финалын шатанд шалгарлаа. 

Аваргын төлөө Недерландын Амстердамтай учраа таарч Стоячи, Де Жонг нар нүүр тулав. Стоячич, Доктор Стрэнж, Неранджич нар бүг өв тэгш байж Амстердамыг 21-15 харьцаатай ялж, 2023 оны финалын шатанд дахин аварга цол хүртлээ. Стоячич энэ цувралын шилдэг тоглогчийн шагнал хүртсэнээр дөрөв дэх удаагаа тус цолыг хүртсэн тамирчин болов. Ийнхүү Сербийн УБ баг 3х3 төрөлд дийлдэшгүй байгаагаа дахин нэг удаа баталсан жил боллоо.