Украины үндэсний олимпийн хорооны ерөнхийлөгчийн сонгуулийг 11-р сарын 17-нд хийхээр төлөвлөж байна.Хөнгөн атлетикийн тулгууртай харайлтын олимпийн аварга Сергей Бубка Украины Үндэсний олимпийн хорооны  ерөнхийлөгчийн сонгуульд нэр дэвшихгүй байхаар шийджээ. Рио-2016 олимпийн мөнгө, Токио-2020 олимпийн наадмын аварга Жан Беленюк, Барселона-1992 наадмын туялзуур сэлэмний алтан медальт Вадим Гутзейт нар Сөүл 1988 олимпод ЗХУ-ын нэрийн өмнөөс алтан медаль хүртсэн Бубкагийн оронд нэр дэвшихээр болжээ. Беленюк мөн 2019 онд Украины парламентын анхны хар арьст гишүүн болсон бол Гутзейт одоогоор Украины Залуучууд, спортын сайдаар ажиллаж байна.  Беленюк өөрийн фэйсбүүк хуудсаараа дамжуулан сонгуульд өрсөлдөж байгаагаа баталжээ. Тэрбээр хэлэхдээ "Зарим хүмүүс одоо болтол бид аль улсад амьдарч, юуны төлөө тэмцэж байгааг ойлгохгүй байгаа бололтой. Мэдээж бид энэ эсвэл тэр байгууллагыг хэн удирдах вэ гэсэн баримттай тулгарах ёсгүй! Бид сонгох эрхтэй бөгөөд бид хууль ёсны дагуу, шударгаар, өрсөлдөх чадвартайгаар сонгогдох эрхтэй! Хүмүүс нэвтрүүлгийг үзэх, нүүр тулан танилцах, хэв маяг, арга барилаа харьцуулах, сонгуульт багуудтай танилцах, биднийг шударга, илэн далангүй шүүмжлэж, харилцан шударгаар сонгож, сонгогдох эрхтэй” гэжээ.

58 настай Бубка 2005 оноос хойш ҮОХ-ны ерөнхийлөгчөөр ажиллаж байгаа бөгөөд Олон улсын олимпийн хорооны гишүүн юм. Тэрбээр мөн одоогийн Дэлхийн хөнгөн атлетик гэгддэг Олон улсын хөнгөн атлетикийн холбоодын нэгдүгээр дэд ерөнхийлөгч байсан. Бубка олимпийн аварга байснаас гадна ЗХУ, Украиныг төлөөлөн дэлхийн аварга шалгаруулах тэмцээнээс олон удаа алтан медаль хүртсэн.

Н.Бэлгүүн