Бразилийн од, Неймар авлига, залилангийн хэрэгт буруутгагдаж, шоронд суух магадлалтай байсан. Гэвч Испанийн прокурорууд түүнтэй холбоотой эрүүгийн хэргийг хэрэгсэхгүй болгов. Испанийн прокурорууд баасан гарагт Неймар, түүний эцэг эх болон 2013 онд Барселона руу шилжихэд оролцсон хөлбөмбөгийн хэд хэдэн шилдэг удирдлагуудын эсрэг залилан, авлигын хэргүүдийг хэрэгсэхгүй болгожээ. Ирэх сард Катарт болох хөлбөмбөгийн дэлхийн аварга шалгаруулах тэмцээнд Бразилийн шигшээ багт голлох үүргийг гүйцэтгэх Неймарыг прокурорууд хоёр жилийн хорих ял, эцэг эхэд нь илүү урт ял оноохыг хүссэн луйврын хэргийн шүүх хурлаас хоёр долоо хоногийн турш мэдүүлэг өгсний дараа Неймарын хэргийг шийдвэрлэсэн байна.  Хоёр долоо хоног үргэлжилсэн шүүх хурал дуусах дөхөж байхад прокурор Барселонд хэргийг хянан хэлэлцэж буй шүүгчид шүүхэд өгсөн мэдээллээс үзэхэд гэмт хэрэг үйлдсэн гэх хангалттай нотлох баримт байхгүй гэж мэдэгджээ. Прокурор энэ хэргийг хамтран гаргасан Бразилийн спортын хөрөнгө оруулалттай DIS компанийг иргэний шүүхэд олон сая долларын нөхөн төлбөр нэхэмжлэхийг үргэлжлүүлэхийг санал болгосон байна. Неймар 10 орчим жилийн өмнө Бразилийн Сантос клубээс Барселона руу шилжсэн нь хөлбөмбөгийн түүхэн дэх хамгийн алдартай шилжүүлгүүдийн нэг хэвээр байна. Солилцоо наймааны ажил дууссаны дараа түүний гэр бүл Испанийн багтай хэдэн сарын өмнө нууц тохиролцоонд хүрч, Неймар болон түүний эцэг эхээс 40 сая еврогийн  хувийн тохиролцоонд хүрсэн нь тодорхой болсон. Улмаар тэр асуудлаас болж ийнхүү 10 жилийн дараа ял сонсоход хүрсэн ч прокурорууд энэ хэргийг хэрэгсэхгүй болголоо.

 

Н.Бэлгүүн