Оросын олимпын хорооны ерөнхийлөгч Станислав Поздняков Владимир Путин цэргээ хэсэгчлэн дайчлах тушаал өгсний дараа тус улсын тамирчдад Украины дайнд оролцох нэр төрийн хэрэг байх ёстой гэж мэдэгджээ. ОХУ-ын Ерөнхийлөгч Путин тулааны талбарт хүнд байдалд орсныхоо дараа олон мянган цэргээ цэрэгт татахаар болжээ. 25 сая хүнтэй асар том нөөц хүчнээс 300,000 орчим нөөц цэрэг татагдах ёстой болжээ. "Оросын Олимпийн Хорооны үүднээс бид тус улсын иргэд учраас эх орондоо үйлчлэх нь иргэн бүрийн, тэр дундаа үндэсний шигшээ багийн гишүүдийн нэр төрийн үүрэг, хүндтэй үүрэг гэж үзэх ёстой" гэж Поздняков хэлжээ.  Олон улсын олимпийн хороо Оросын тамирчдыг олон улсын спортод буцаан авчрах "зам байгаа эсэх"-ийг хэлэлцэж байгаа үед түүний хэлсэн үг олны анхаарлыг ихэд татсан байна. Украины арми Харьковын хойд хэсгийн гол хот, тосгодыг эргүүлэн авч, өмнөд хэсгийн Херсон мужид мэдэгдэхүйц ахиц дэвшил гаргаад байгаа билээ. Гэсэн хэдий ч Орос улс тус улсын тавны нэг орчим хувийг эзэлсээр байна. 

Н.Бэлгүүн