Хайлтын системийн хамгийн том платформ Гүүглэ компаниас энэ онд ямар спортын одод, багуудыг дэлхийн дахинаа хамгийн их хайсныг тодруулан танилцуулжээ. 2023 онд хамгийн их хайсан тамирчдын жагсаалтыг энэ оны нэгдүгээр сард болсон тоглолтын үеэр талбай дээр зүрх нь зогсож, ухаан алдан унасан Америк хөлбөмбөгийн од Дамар Хэмлин тэргүүлжээ. Түүнийг гэмтлийн дараа спорт гэлтгүй дэлхийн хэвлэл мэдээллийн бүхий л салбар тухайн үед түүнд анхаарлаа хандуулж, тамирчид түүний төлөө залбирч байсан юм. Дамар Хэмлин бүрэн эдэргэсний дараа 10-р сард эргэн талбайдаа гарсан байна. 

Францийн хөлмбөгийн супер од, Парис Сэйнт Жермайн багийн довтлогч Килиан Мбаппег мөн энэ жил хамгийн их хүмүүс хайж ээ. Түүнийг өөрийн баг болох Парис Сэйнт Жермайнийг орхиж Реал Мадрид эсвэл Саудын Араб руу явж магадгүй гэсэн шуугиан тарьсан нь олон хүнийг хайлт хийхэд нөлөөлсөн байх магадлалтай. 

Мөн хөлбөмбөгийн супер од Английн Харри Кэйн уг жагсаалтын 5-р байранд орсон байна. Байерн Мюнхен дэх гайхалтай үр дүнгийн дараа түүнийг хэвлэл мэдээллүүд хэсэг онцолсон билээ. 

Харин Америкийн сагсан бөмбөгийн НБА-ын одуудаас энэ жил Жа Морант /4/ болон Кайри Ирвинг нарыг спорт сонирхогчид энэ жил хамгийн их хайсан байна. Жа Морант энэ жил сахилга батын асуудлаас болж олны хэл аманд өртсөн бол Кайри Ирвинг өөрийн шашин болон, ерөнхийлөгчийн сонгуулийн үеэр дуугарсан үзэл бодлоосоо шалтгаалж мөн олны хараанд ороод байсан юм. 

Мэдээж дэлхийн топ спортуудын нэг талбайн теннисээс чансааны нэгт жагсаж буй Новак Жокович /6/, Чансааны хоёрдугаарт буй Карлос Алкараз /7/ нар уг жагсаалтад багтсан байна. Новак Жоковичийн хувьд энэ жил 4 удаа Их дуулгын тэмцээнд түрүүлсэн бол Карлос Алкараз Вимбледоны Их дуулгад түрүүлж хоёр удаа шигшээ тоглолтод шалгаран энэ жил чансаагаараа хоёрдугаар байрт жагсаж байна. 

Тэдний дараа дэлхийн хамгийн их үзэгчтэй спорт болох Крикетын тамирчид болох Шинэ Зеландын Рачин Равиндра /8/, Энэтхэгийн тамирчин Шубман Гилл /7/ нар бичигдэж байна. Рачин Равиндра энэ жилийн дэлхийн аварга шалгаруулах тэмцээнд дунджаар 64 гаруй гүйлт хийж олны анхаарлыг ихэд татсан. Мөн финалд өрсөлдсөн Шубман Гилл багаа удирдан финалын шат хүртэл багаа удирдсан гол тоглогчийн ачаар дэлхий нийтэд танигдаж, хамгийн их хайгдсан тамирчдын жагсаалтад багтсан байна.