Хойд Америкийн сагсан бөмбөгийн NBA-ийн шигшээ цувралын гурав дахь тоглолт болж өндөрлөлөө. Финалын гурав дахь тоглолт Даллас Маверикс багийн талбайд 08:30 цагаас эхлэв. Талбайн эздээс бүх тоглогчид өнөөдөр оролцсон бол Бостон Селтикс багаас Кристапс Порзингис бэртлийн улмаас оролцоогүй юм. Эхний үе оноо авалт ихтэй өндөрлөж 30-31 харьцаатай өндөрлөсөн бол хоёрдугаар үед талбайн эзэд 13 хүртэлх онооны тэргүүллийг үүсгэв. Харин Бостон Селтикс багаас Жэйсон Тэйтумын онцгой тоглолт онооны зөрүүг 2-р үед арилгасан бол 3-р үед Жэйлен Брауны тоглолт гайхалтай байж онооны зөрүүг 21 болтол холдуулсан юм. 4-р үеийн эхлэлээс Даллас Маверикс онооны зөрүүг ойртуулахыг хичээсэн тоглолтууд амжилттай болж 20-2 гэсэн амжилтаар онооны харьцааг ердөө 4 болголоо. Сүүлийн 4 минут үлдэхгүй хугацаанд Даллас Маверикс багийн супер од Лука Дончич 5 болон 6 дахь алдаа маш богино хугаанд гарган "чэлленж" захиалсан ч амжилтгүй болсноор талбайг чөлөөлөхөд хүрлээ. Багийн нэг одгүй болсон ч Даллас Маверикс тэр дундаа Кайри Ирвинг эцсээ хүртэл тэмцсэн ч Бостон Селтикс багийн жигд тоглолтыг нөхөж чадалгүй эцсийн мөчид 106-99 харьцаатай ялагдал хүлээлээ. Ийнхүү Бостон Селтикс баг 2023-2024 оны аваргын цом өргөхөд ердөө нэг хожил үлдсэн бол эсрэгээрээ Даллас Маверикс баг 0-3 гэсэн маш хүнд байдалд орлоо.
Өнөөдрийн тоглолтод Бостон Селикс багаас:
Жэйсон Тэйтум 31 оноо, 6 самбар, 5 дамжуулалт
Жэйлен Браун 30 оноо, 8 самбар, 8 дамжуулалт
Деррик Уайт 16 оноо, 5 самбар, 2 хаалт гүйцэтгэсэн бол Даллас Маверикс багаас:
Кайри Ирвинг 35 оноо, 3 самбар, 2 дамжуулалт
Лука Дончич 27 оноо, 6 самбар, 6 дамжуулалт тус тус гүйцэтгэсэн байна.
