1982 онд Сүхбаатар аймгийн Баруун-Урт хотын төрөхөд Лхагвасүрэнгийн хоёр дахь хүүхэд болон мэндэлсэн. Аав, ээжээс дөрвүүлээ. 1 ах, хоёр дүүтэй. Одоо нөхөр, гурван хүүхдийн хамт амьдардаг. Түүний аавын авга нь Моломсамбуу хэмээх аймгийн арслан байсан. Түүний аав Лхагвасүрэн нь үндэсний шагайн харваан “Харьшгуй мэргэн” цолтой. Төрсөн ах нь аймгийн начин. Төрсөн дүү Одсайхан нь Монголын улсын мэргэн, бага дүү Ганхуяг нь шагайн харваан аймгийн дархан мэргэн. Спортын гэр бүлд төрж өссөн. Аав, ээж хоёр нь волейболын мастер, хоёр дүү нь сагсан бөмбөгийн спортын мастер, биеийн тамирын багш мэргэжилтэй хүмүүс байдаг.
2002 оноос 20 настайгаасаа хүндийн өргөлтийн спортоор хичээллэж эхэлсэн. 2000 оноос жүдо бөхөөр хичээллэж эхлээд 2001 онд жүдогийн залуучуудын улсын аварга болж, самбо бөхийн улсын аварга шалгаруулах тэмцээнээс хүрэл медаль хүртэж байсан. Улмаар 2002 онд хүчний бэлтгэл хийх гэж анх хүндийн өргөлтийн зааланд орсон. Тухайн үед 3, 4-хөн эмэгтэй тамирчид бэлтгэл хийж байсанд цөөхөн тамирчинтай байсанд гайхаж байсан. Одгэрэл нь өөрөө шинийг эрэлхийлж, болохгүй байгаа зүйлийг болгох хүсэл эрмэлзэлтэй хүн. Тиймдээ ч хүндийн өргөлтийн спортыг хөгжүүлж, энэ спортоор хичээллэвэл амжилт гаргах юм байна гэсэн сэдэл, урам зориг төрж байсан. Хөхөө багшийн удирдлага дор анх гол өргөж хүндийн өргөлтийн спортод хөл тавьсан. Хичээллэж эхлээд ердөө нэг жил хүрэхгүйн дараа 2003 онд хүндийн өргөлтийн Ази тивийн аварга шалгаруулах тэмцээнд оролцож мөнгөн медалийн эзэн болсон. Одгэрэлийн хүртсэн Ази тивийн мөнгөн медаль нь Монголын эмэгтэй туйванчдын анхны олон улсын медаль байсан. Хүндийн өргөлтөөр хичээллэсэн.
Чөлөөт цагаараа ном унших дуртай. Цаг гарвал ном унших дуртай. Тэмцээн уралдаан нислэгийн хугацаа, цаг гарвал ном уншдаг. Гар тээшиндээ заавал ном авч явдаг. Гэрийн эзэгтэй учраас хоол хийх дуртай. Хүүхдүүддээ, гэр бүлийнхэндээ амттай, сонирхолтой хоол хийж өгөх дуртай. Гадаад, дотоодод харсан, идсэн хоолоо сурч, гэрийнхэндээ хийж өгөх дуртай. Мөн фитнессээр хичээллэх дуртай.
Амьдралдаа гаргасан шийдвэрүүддээ харамсдаггүй. Аль болох харамсахгүй, таатай шийдвэр гаргахын тулд няхуур бодож шийддэг. Өнгөрсөндөө харамсахгүйн тулд өөрөө өөрийнхөө шийдвэрт эзэн болж амьдардаг. Шийдвэр болгондоо баярлаж, сайн талыг нь олж харахыг хичээдэг.
Хүүхэд байхад хүн болгон мөрөөдөлтэй, ийм хүчтэй байх сан гэсэн төсөөлөл байдаг. Одоо хэрвээ “Superpower”-тай болох боломж байх байсан бол бусдад аз жаргал түгээх, бүхний чаддаг хүчтэй болох байсан. Хаана, хэнд ямар тусламж хэрэгтэй байна тэр болгонд нь тусалж, дэмждэг хүчтэй болох байсан. Ан, амьтан байгаль дэлхий дээ ч ээлтэй тийм л хүчтэй болох байсан.
Түүний дуртай хоол ээж нарынхаа хийсэн хоолонд дуртай. Түүний ээж нь буузыг маш сайхан хийдэг бол хадам ээж нь хуушуурыг маш амттай хийдэг. Багаасаа идэж өссөн хоол учраас ээж нарынхаа хийсэн бууз, хуушуурт дуртай.
Нийгэмд хандсан, хүүхэд залуучуудынхаа боловсролд чиглэсэн зүйл хийхийг хүсэж байгаа. Мэдлэгийг сургалт, их сургуулиас олж авдаг. Түүнээс гадна хамгийн гол нь хүний мөн чанартай Монгол боловсролыг олж аваасай гэж хүсдэг. Хариуцлагатай, ёс зүйтэй, бие биедээ хайртай, байгаль дэлхийдээ хайртай байдаг, бие биеийнхээ эрх чөлөөг хүндэлдэг ийм залуу хойчийг бэлтгэхийг хүсдэг. Түүний зорилгын нэг... Улс орнууд хөгжихийн хэрээр суурин соёл хөгжиж байна. Гэхдээ Монголын тал нутаг эзэнтэй байхыг хүсдэг, Монголын өв уламжлал эвдэгдэхгүй, хэвээрээ байгаасай гэж хүсдэг. Хөдөө орон нутагт гарахад хүссэн газраа майхнаа бариад амарч зусаж чаддаг бол бид нарын гоё зүйл. Гадаадад олон оронд бүх газраа хашаад авсан байдаг учраас амрах зугаалах үедээ заавал мөнгө төлдөг болсон байгааг олон харж байсан учраас одоо Монголынхоо байгаа нүүдэлчин, эрх чөлөөт өв соёл алдагдахгүй байгаасай гэж хүсдэг. Өөрсдөдөө байгаа гоё юмаа мэдэрч, олж хардаг байгаасай гэж хүсдэг. Бид бүхэнд маш үнэтэй, баялгууд байдаг.
Одгэрэл нь зорьсон салбартаа олон улсын шүүгч болж, Залуучуудын олимп болон зуны олимпын наадамд шүүгчээр ажилласан. Энэ нь түүний онцлох амжилт. Одоо түүний дараагийн алхам, зорилт бол Ази, олон улсын холбоонд бодлого тодорхойлох хэмжээний үүрэг хариуцлага үүрч, Монголдоо төдийгүй олон улсад энэ спортынхоо төлөө юу хийж чадах вэ гэсэн зүйлсийн төлөө тэмүүлж явж байгаа.
2020 оны 2 сарын 22-ны өдөр олимп шүүх эрхээ хүлээж авсан. Хүн юмыг яаж харч, хүлээж авах гэдгээс аливаа зүйлс өөр, өөрөөр харагддаг. Тиймдээ олон 2-ын тоо давхацсан тэр өдөр олимпын эрхээ авсандаа хэзээ ч мартахгүй. Урилгаа хүлээж авахдаа үнэхээрийн гоё байсан. Олимп дараа нь хойшлох болсныг сонсоод 2012 оноос хойш шүүгч болоод зорьсон ажил, олимп маань хойшлох болсонд бага зэрэг хямарч байсан ч өөрийгөө тайвшруулж дэлхий нийтэд тулгарсан нөхцөл байдлыг хүлээн зөвшөөрч байсан. Улмаар 2021 онд олимп зохиогдож, олимпын шүүгчээр ажилласан. Хүндийн өргөлтөд дэвжээний 12 шүүгч байдгийн 1-ээр сонгогдож, олимпын 5 алтан медальтныг шүүж тодруулсан. Мөн нэг мөнгөн медальтныг тодруулсан. Олимпод 6 финал шүүж, өөрийн шүүлтэн дээр ахлах шүүгчээр ажиллаж 5 рекордыг баталгаажуулж авсан. Тухайн үе нь мартагдашгүй, гайхамшигтай мөчүүд байсан.
Сэтгэлээр унасан үедээ шууд дараагийн алхмыг бодож эхэлдэг. Энэ нь сэтгэлээр унахгүй байх давуу талыг олгодог. Дотнын хүмүүстэйгээ тулгарсан асуудлаа ярилцдаг болов ч хэзээний дотроо дараагийн алхмаа бодсон байдаг. Энэ нь түүний арга. Амьдрал, цаг хугацаа өнгөрөөд явдаг учраас өөрөө өөрийгөө хурцалж, дараагийн боломжуудыг олж харж, асуудал тулгарвал дараагийн шийдвэр, алхмаа харах гэж хичээдэг. Хэцүү зүйлдээ хэт автаад ойччихгүй, баярласан сайхан зүйл тохиоход хэт хөөрөөд нисчихгүй, балансыг тааруулж байх гэж хичээдэг.
