Талбайн теннисний домогт тоглож Рафаэль Надаль энэ оны нэгдүгээр сард болсон Францын нээлттэй тэмцээний үеэр гэмтэл авсан нь эх спортоо эргэн ирэхгүй байх вий хэмээх айдсыг шүтэн бишрэгчдийнхээ дунд үлдээгээд байсан билээ. Тэгвэл тэрээр эргэн ирэхээ мэдэгдэж “2024 оны улирал миний сүүлийн жил байх болно” хэмээн хэлсэн нь Австралийн Их дуулгад оролцох явдал байв. Түүнийг ч тус тэмцээнд бүртгүүлсэн хэмээн зохион байгуулагчид мэдэгдээд амжсан. Испани тамирчин ирэх жилийн гол зорилгоо 2024 оны зуны олимпод оролцох явдал хэмээн хэлсэн ч 23 дахь Их дуулгаа Австралийн Мельбун хотоос хүртэж яагаад болохгүй гэж. 

Харин аварга асан Наоми Осака долоодугаар сард амаржиж Шай хэмээх охинтой болсон. Жирэмсний амралтаа өнгөрүүлж буй тэрээр ирэх жил буцаад талбайдаа гарахаар төлөвлөж байна. Түүнийг Австралийн Их дуулгад эргэн ирнэ хэмээн тус тэмцээний захирал Крейг Тилли өчигдөр мэдэгджээ. 4 удаагийн Их дуулгын  аварга, ганцаарчилсан төрлөөс Азиас хамгийн амжилттай яваа эмэгтэй болох Наоми Осака Австралийн нээлттэй тэмцээний эмэгтэйчүүдийн ганцаарчилсан төрөлд Каролин Возняцки, Анжелика Кербер нартай нэг хэсэгт таарсан байна.