Арабын Нэгдсэн Эмират, Арабын булан дахь Абу Даби дахь Яс арал дээрх Этихад Аренад NBA-ын хэвлэлийн бага хурлын үеэр олон онцгой үйл явдлууд боллоо. NBA-ын комиссар Адам Силверээс асуусан асуултуудын нэг нь 20 жилийн өмнө ЛеБрон Жэймсээс хойш хамгийн их хүсэн хүлээсэн драфтын №1 сенсаци болсон франц залуу Виктор Вембаньямагийн тухай байлаа. Адам Силвер пүрэв гаригт олон улсын сэтгүүлчидтэй уулзах үед өөрчлөлт, ирээдүйн тухай сэдвүүийг онцолсон юм. Тэрбээр Милуоки Бакс болон Атланта Хоукс багууд NBA-ийн улирлын өмнөх хоёр тоглолтын өмнө сэтгэгдэлээ хэлсэн. "Би NBA-д ажиллаад 30 жил болж байна. Ирэх таван жилд бид сүүлийн 30 жилийн хугацаанд харж байснаас хамаагүй их хөгжлийг харна гэж бодож байна. Яг одоо спортын танилцуулгад, тамирчдын онцлогт маш их өөрчлөлт гарч байна. NBA-ын финал, бүх оддын тоглолтын үеэр ихэвчлэн болдог хэвлэлийн бага хурал Абу Дабид болж байгаа нь лигийн өсөлт, ахиц дэвшлийн шинж тэмдэг юм.” гэлээ. Тоглогчид болон дасгалжуулагчид 30 жилийн турш сагсан бөмбөгийн хөтөлбөрт хамрагдсан бөгөөд Ойрхи Дорнод болон Хойд Африкт өнгөрсөн жилүүдэд ойролцоогоор 25 NBA-гийн тоглогч төрсөн.
"Миний хувьд одоо NBA-д олон арван жилийн ажлын оргил үе ирж байна" гэж Адам Силвер хэлжээ. Тэрбээр 82 тоглолтын хуваарийн "нягтрал"-ыг багууд улирлын тоглолтоор гадаад руу илгээхдээ нэг удаа биш хоёр удаа тоглоход бэрхшээлтэй тулгардаг гэж дурджээ. Энэ улиралд Майами Хит, Сан Антонио Спөрс багууд 12-р сарын 17-нд Мехико хотод тоглох бол Чикаго Буллс, Детройт Пистонс багууд 1-р сарын 19-нд Парист тоглохоор явна. "Европт ганцхан тоглолт тоглож, цагаа тохируулж, аялалдаа тааруулж, буцаж ирэхдээ дасан зохицоход энэ нь хуваарьт нөлөө үзүүлдэг” гэсэн юм. Лигийн хамгийн тод хоёр од болох Милуоки Бакс багийн довтлогч Яннис Антетокунмпо болон Денвер Наггетс багийн төвийн тоглогч Никола Иокич нар Киагийн хамгийн үнэ цэнэтэй тоглогчийн шагналыг дөрвөн удаа хүртэж байсан нь олны талархлыг хүлээсэн. “Тэр тоглолтонд жинхэнэ баяр баясгаланг авчирдаг. Үүнийг түүний тоглолтын хэв маяг, багийнхантайгаа харилцах харилцаанаас нь харж болно. Мэдээжийн хэрэг, Яннис тоглогчийн хувьд олон удаагийн үнэ цэнэтэй тоглогч. Үргэлж гайхалтай хүсэл тэмүүлэлтэй тоглодог. Тоглолтыг хамгийн өндөр түвшинд хүргэсэн ч тоглолтоо үргэлжлүүлэн хөгжүүлэхийн тулд биеийн тамирын зааланд нэмэлт цаг зарцуулдаг. Тэр бол комиссарын мөрөөдөл хэмээн Яннисийн тухай Адам Силвер хэлжээ.
Н.Бэлгүүн
