Шинэ Зеландын Олимпийн Хороо тус улсад тамирчдын дуу хоолойг нэмэгдүүлэх компанит ажлыг эхлүүлжээ. Олимпын хорооны Тамирчдын Хорооны санаачилгаар “Athlete Leaders Network” нь 2023 оноос бүрэн хэрэгжиж, ерөнхий менежер болон түр зөвлөлийг удахгүй томилохоор төлөвлөж байна. Тамирчдын удирдагчдын санал хүсэлтийг харгалзан зохион бүтээсэн “Athlete Leaders Network”-ийн нээлтэд зориулж мод тарих ёслолыг зохион байгуулжээ. Тус компанит ажил нь тамирчдыг чадваржуулах, спортын систем дотроос өөрчлөлтийг сурталчлах зорилготой юм. Энэхүү санаачилгын санаа нь өндөр гүйцэтгэлтэй спортын системээр шийдвэр гаргахад тамирчдын дуу хоолойг хүргэх явдал юм.

Шинэ Зеландын тамирчдын комиссын дарга, WADA-гийн тамирчдын комиссын дарга Бен Сандфорд нар Удирдагч тамирчдын сүлжээт ажлын түр зөвлөлд суухаар төлөвлөж байна. "Өмгөөлөл, чадвар, сайн сайхан байдалд чиглэсэн тамирчны дуу хоолойн механизм нь манай өндөр гүйцэтгэлтэй системд маш чухал. Бид тамирчдад чухал зүйлийг сурталчлах эрх мэдэлтэй байх ёстой" гэж Сандфорд онцолжээ. Шинэ Зеландын Паралимпийн тамирчдын зөвлөлийн төлөөлөгч, тус сүлжээт ажлын түр зөвлөлийн гишүүн Анна Тейлор тамирчдад өөрчлөлт оруулах боломжийг тэсэн ядан хүлээж байна гэсэн бол олимпын хорооны гүйцэтгэх захирал Никки Никол “Athlete Leaders Network” нь тус улсад тамирчдын дуу хоолойг бэхжүүлэх болно гэж үзэж байна. Тус улсын олимпын хороо нь захиргааны болон бүтцийн дэмжлэгээр дамжуулан боломжийг олгох боловч “Athlete Leaders Network” нь бие даан ажиллах юм байна. 

 

Н.Бэлгүүн