2002 онд Дорнод аймгийн Чойбалсан хотод төрсөн. Ам бүл тавуулаа. Хоёр дүүтэй, айлын том. Манай гэр бүл спортын гэр бүл. Аав маань сагсан бөмбөг тоглодог Сансарболд гэдэг хүн байдаг. Ээж маань волейболын спортын мастер Хишигтөр гэдэг хүн байдаг. Манай ээж волейболын спортоор хичээллээд намайг волейболын спортод оруулж байсан. Манай хоёр дүү ч гэсэн волейболын секц, дугуйланд явдаг.
Хилчин багт ороод тууштай бэлтгэл хийгээд 7 жил болж байгаа. Тэрнээс өмнө ээж маань намайг волейболын спортыг сонирхуулах гэж их үздэг байсан ч би нээх сонирхдоггүй байсан. Манай ангийн банди нар спортоор их хичээллэдэг байсан. Ангийнхаа хүүхдүүдтэй хамт нийлж, спортоор хичээллэе гэж боддог байсан. Хамгийн их түлхэц болсон нь 2018 онд Монгол Туургатны хүүхдийн наадам МУИС-ын 4-р байрны зааланд болж байсан, тэр тэмцээнийг үзээд волейболын спорт үнэхээр гоё юм байна гэдгийг улам бүр мэдэж, тууштай хичээллэх хэрэгтэй юм байна гэж бодсон.
Kpop-ийн “Twice” гээд хамтлагийн улаан, ногоон, ягаан фэн нь. Тоглолт, тэмцээний өмнө юм уу эсвэл машинд явж байхдаа Twice-ийн дуунуудыг байнга сонсдог. Тоглолтод орохын өмнө жоохон унжгар ч юм уу тиймэрхүү үедээ “Twice”-ийн дуунуудыг сонсож эрч хүч авдаг. Харин эсрэгээрээ сэтгэл хөдлөл ихтэй үедээ төгөлдөр хуурын ая сонсож өөрийгөө тайвшруулдаг.
Эрэгтэй хүний оронд нэг өдөр орж үзэж болох байсан бол эрэгтэй про мундаг тамирчдын биед ороод тоглож үзэх байсан. Оронд нь үсэрч үзмээр байна. Өндөр үсрээд хаашаа цохихоо хараад, дүүлж байдаг тэр мэдрэмжийг нь авч үзэхийг маш их хүсдэг.
Монголын краш маань бол нууц. Гадаадын краш гэвэл Маргот Робби гэдэг жүжигчин. Дуртай ихэнх кинонуудад тоглосон болохоор дуртай. /Harley Quinn/ Бас хувь хүний зан чанар нь таалагддаг болохоор дуртай.
Би амьтанд маш их хайртай. Яагаад гэвэл би өөрөө нохой тэжээдэг. French bulldog үүлдрийн Monkey гэдэг нохойтой. Нохойноосоо болоод ч тэр юм уу бүх амьтан г өрөвддөг, хайрладаг болцон.
Эрэгтэй хүнийг нөмөр нөөлөгтэй, эмэгтэй хүнийг ойлгодог мэдрэмжтэй байгаасай гэж хүсдэг. Найз залуу байхгүй.
Миний гаргасан онцлох амжилтууд 2018 оноос эхлэлтэй. 2018 онд Монгол Туургатны хүүхдийн наадмаас мөнгөн медаль авч байсан. 2018 оны өсвөрийн аварга, 2019 оны идэрчүүдийн улсын аваргын хүрэл медаль. 2020 оны насанд хүрэгчдийн улсын аваргын мөнгө, залуучуудын мөнгөн медальтай, идэрчүүдийн алт. 2021 оны оюутны аваргын алтан медаль, 2021 оны үндэсний дээд лигийн аварга болсон. Хувийн амжилт гэвэл 2021 оны үндэсний дээд лигийг хаалтын статистикаараа тэргүүлсэн. Цаашдын зорилго бол дээд лигийнхээ амжилтыг хамгаалъя, аваргаа баталъя л гэсэн зорилготой байна даа.
Эргэн тойрныхоо хүмүүсээс нэг хүнийхээ бодлыг уншиж үзэж болох байсан бол нохойныхоо бодлыг уншиж үзэхийг хүсэх байсан. Яагаад гэвэл манай нохой нүүрний хувирал байхгүй учраас ямар байгааг нь мэдэхгүй. Байнга хажууд байгаагаа гэхдээ мэдрүүлдэг учраас маш ухаантай юм шиг санагддаг. Юу боддог бол гэж бодогддог. Хэрвээ бодлыг нь мэддэг бол хүслийг нь биелүүлж өгөхийг хүсдэг.
Миний хобби бол нүүр будах дуртай. Чөлөөт цагаараа өөрийнхөө нүүрийг будаад янз бүрийн өнгө оруулаад, график line оруулах дуртай. Тэгэхээр стресс тайлагддаг. Өөр нэг хобби болохоор би жор харж байгаад торт ч юм уу хоол хийх дуртай. Миний чөлөөт цагаараа хийдэг зүйлс бол нүүр будалт, хоол хийх.
