Шилдэгийн шилдэг дөрвөн бүтээлд:
-Хүрэл цутгуурт алтан шармал “Цагаан дарь эх” – “Занабазарын хийц” төрийн бус байгууллага
- “Мөнгөн цар аяга” – Уран дархан Б.Баярсайхан,
- Луун сийлбэртэй, алтан шармал “Ган хэт хутга” – Уран дархан Н.Бат-Эрдэнэ,
- “Хүннү эмээл” – “Мөнгөн талст” урлангийн бүтээл шилдгийн шилдгээр шалгарлаа.
Бишрэлт Металл багийн үүсгэн байгуулагч, багийн эзэн, Тэнүүн Өлзий ХХК-ний захирал Д.Буян-Өлзий нь
анх 2016 онд Тэнүүн Өлзий металл багийг үүсгэн байгуулж тасралтгүй сагсан бөмбөгийн хөгжилд өөрийн хувь нэмрээ оруулсаар буй Бурхан урлаач, бизнесмэн гэдгийг тэр бүр, хүн бүр мэдэхгүй болов уу.
Д.Буян-Өлзий ...Би уг нь сагс тоглодог, сайн тоглодог байлаа, 16 настайдаа л 195+ см өндөртэй байсан, гэтэл 90-ээд оны хүнд нэцүү цагт сагс тоглохоос илүүтэй ажил хийхгүй л бол хэцүү байлаа, тэгээд л сагсан бөмбөгөө орхиж ажил, бизнесрүү хөл тавьсан, харин одоо энэ залуусд ийм их авьяас боломж байхад сагсанбөмбөгөө орхилгүй явах боломжийг бүрдүүлэхэд нь туслахыг хүсдэг дээ ах нь, тэрнээс биш сагсан бөмбөгөөс ашиг харж байсан удаа ганц ч байхгүй, цаашдаа ч ашиг харахгүй, олон олон залуус сагсан бөмбөгөөр хичээллэхийг, түүгээрээ амьдралаа авч явах хэмжээнд болоосой л гэж хүсдэг...
Тэрээр багийнхаа залуусд зориулан бэлтгэл хийх заал, фитнесийг барьж байгуулж, өөрт тохиолдсон сонголтод битий тулаасай, сагсан бөмбөгөө битий орхиосой хэмээн тоглогчдод урам зориг өгөх, хөрөнгө мөнгө, цаг хугацаагаа зарцуулж буй эгэл даруухан нэгэн билээ.
Бишрэлт Металл багийн эзэн, Тэнүүн Өлзий ХХК-ний захирал Д.Буян-Өлзий танд сагсан бөмбөгт төдийгүй МУ-д оруулж буй бүх зүйлд танд баярлалаа.
