Цахим спортын "PUBG MOBILE GLOBAL CHAMPIONSHIP 2023" тэмцээн Туркийн Станбул хотноо өнгөрсөн амралтын өдрүүдэд зохиогдлоо. Дэлхийн шилдэг 16 баг өрсөлдсөн "Grand final" буюу финалын шатны 3 өдрийн тоглолтын нийт үр дүнгээр "IHC ESports" баг тэргүүлж 450 мянган долларын шагнал хүртсэн бол “Stalwart Esports” баг дэд байраар 260 мянган доллар, “4Merical Vibes” дөрөвдүгээр байраар шалгарч 144 мянган долларын шагнал тус тус хүртсэн байна. “IHC Esports” багийн хувьд тэмцээний хэсгийн шат, хасагдах шат, амьд үлдэх шат зэрэг бүх шатанд амжилттай оролцож финалын шатанд шалгарсан билээ.