2022 оны ДАШТ-ий нийт шагналын сан $440 сая байсан бол энэ зун АНУ-д зохион байгуулагдах клубүүдийн дэлхийн аварга шалгаруулах тэмцээний нийт шагналын сан $1 тэрбум хэмээн зарлалаа.

Үүний $525 саяыг нь клубүүдийн чансаанаас хамаарч хуваарилах бол үлдсэн $475 саяыг амжилтаар нь ангилж хуваарилах ба үүнийг задалж үзвэл:

·        Хэсгийн шатанд хожил бүрт $2 сая, харин тэнцвэл $1 сая

·        Шөвгийн 16-д шалгарч чадвал $7,5 сая

·        Шөвгийн 8-д шалгарч чадвал $13,1 сая

·        Хагас шигшээд шалгарч чадвал $21 сая

·        Аваргын төлөө шалгарч чадвал $30 сая

·        Аварга авсан клуб $40 сая

Харин клубүүдийн чансаанаас хамаарч өгөх урамшуулал дүн 525сая$ задалж үзвэл:

·        Европ тивийн клуб $12,81-38,19 сая

·        Өмнөд Америк тивийн клуб $15,21 сая

·        Хойд болон төв Америк, Карибын тэнгисийн клуб $9,55 сая

·        Ази болон Африк тивийн клуб $9,55 сая

·        Далайн эргийн бүс нутгийн клуб $3,58 сая тус тус урамшуулал болгон өгөхөөр төлөвлөжээ.

Ираны шигшээ баг ДАШТ-д оролцох эрхээ авлаа.

Дэлхийн хамгийн их үзэгчтэй №1 спорт болох хөлбөмбөгийн ДАШТ-ий урьдчилсан шатны тоглолтууд энэ цаг үед үргэлжлэн явагдаж байгаа.

2026 онд Хойд Америкийн Канад, АНУ болон Мексик улсуудад зохион байгуулагдах ДАШТ-д нийт 48 улсын шигшээ баг оролцоно.

Ази тивд 3 хэсэгт нийт 18 улсын шигшээ баг 3-р шатанд 6,6 багаар хэсэгт хуваарилагдсан.

Өчигдөр болсон Иран 2:2 Узбекистан багуудын тоглолт тэнцэж, Иран 20 оноотой 3-р байранд бичигдсэн. Ингэснээр АНЭУлсаас 7 оноо илүү болсноор ДАШТ-д оролцох эрхээ авлаа. Ираны шигшээ баг Дэлхийд чансаагаараа 18, Азид чансаагаараа 2-т бичигдэж байгаа билээ.

Одоогоор ДАШТ-д зохион байгуулагч АНУ, Канад, Мексик, Япон, Шинэ-Зеланд, Аргентин, Ираны шигшээ багууд эрхээ авсан байна.

Испанийн хөлбөмбөгийн 2-р лигийн A.E. Ramassà клуб Монгол улсад хүрэлцэн ирнэ.

Тус клуб өмнө нь Африк тивийн Кени, Гамби, Зааны ясан эрэг, Камерун, Уганда, Бенин, Этиоп зэрэг улсуудад очиж байсан бол анх удаагаа Ази тив рүү Монгол улсад 4 сарын 12-нд хүрэлцэн ирэхээр болжээ.

A.E. Ramassà клубийн албан ёсны мэдэгдэл “Урьдын адил спортыг нийгэмд өөрчлөлт оруулах, саад тотгорыг арилгах, соёлыг нэгтгэн хэрэгсэл болгон харуулах зорилготой” хэмээн мэдэгджээ.

A.E. Ramassà клуб 4 сарын 13-ы өдөр Монголын хөлбөмбөгийн футзалын ордонд 16:00 цагаас нөхөрсөг тоглолт хийнэ. Мөн тэдний гол ажил бол хүүхэд худалдаалах, хүчирхийлэл, хүчирхийллийн эсрэг хүүхэд хамгаалал хөгжлийн цогц төв болох “Ид шидийн орон” төслийг дэмжих зорилгоор орон нутгийн “Лантуун дохио” төрийн бус байгууллагатай хамтран ажиллах юм.

Мөн тус клубийн 50 жилийн ой энэ онд тохиож байгаа билээ.