Олон улсын Олимпийн хорооноос мягмар гарагт трансжендер болон интерсекс тамирчдын оролцооны шинэ тогтолцоог танилцуулсан бөгөөд энэ нь мэс заслын болон тестостероны дааврын тухай юм. Шинэ тогтолцооны дагуу олон улсын холбоод ОУОХ-ны шалгуурыг дагаж мөрдөхийн оронд өөр өөрсдийн шалгуурыг бий болгож болох юм байна. ОУОХ-ны 15 гаруй жилийн турш энэ сэдвийн дагуу  ажиллаж ийнхүү хамгийн сүүлийн үеийн шинэчлэлийг ийнхүү хийж байна. 
ОУОХ 2004 оны Олимпын өмнө трансжендер тамирчдаас тэмцээнд оролцохын тулд мэс засал хийлгэхийг шаардсан бөгөөд 2015 онд трансжендэр эмэгтэйчүүдийн тестостероны түвшингийн босго оноогоор мэс засал хийлгэж болох шийдвэрийг гаргаж байсан. "Олон улсын олимпийн хороо жендэрийн баримжаа, хүйсийн ялгаан дээр үндэслэн шударга ёс, тэгш байдал, ялгаварлан гадуурхахгүй байх тухай энэхүү хүрээгээр дамжуулан Олимпийн дүрэмд тусгагдсан зарчмын дагуу хүн бүрт аюулгүй, тав тухтай орчныг бүрдүүлэхийг зорьж байна гэж ОУОХ мэдэгдэж байна. 
"Түүнчлэн уг тогтолцоо нь шударга ёсыг хангах, ялангуяа эмэгтэйчүүдийн төрөлд өндөр түвшний зохион байгуулалттай спортод оролцох эрх олгох гол үүргийг хүлээн зөвшөөрүүлж байна." ОУОХ-ны хууль эрх зүйн хувьд заавал биелүүлэх үүрэг хүлээгээгүй боловч олон улсын холбоодод өөрсдийн бодлогоо боловсруулахад нь туслах зорилготой шинэ тогтолцоо нь дараахь зарчмуудыг онцолж байна. Үүнд эрх тэгш оролцуулах, хохирол учруулахаас урьдчилан сэргийлэх, ялгаварлан гадуурхахгүй байх, шударга байх, давуу байдлын таамаглалгүй байх, нотолгоонд суурилсан арга барил, эрүүл мэнд, бие махбодийн бие даасан байдал, оролцогч талуудад төвлөрсөн арга барил, хувийн нууцыг хадгалах эрх зэрэг багтжээ. 
Олон улсын холбоодууд өөрсдийн шалгуур үзүүлэлтийг боловсруулахаасаа өмнө бүх зарчмыг харгалзан үзнэ гэж ОУОХ найдаж байгаагаа илэрхийлж байна. ОУОХ-ны шинэ тогтолцоо нь 2020 оны Токиогийн Олимпод трансжендер тамирчид оролцсоны дараа гарлаа. Шинэ Зеландын хүндийг өргөлтийн тамирчин Лорел Хаббард, АНУ-ын BMX мотоциклийн тамирчин Челси Вулф нар олимпийн эрх авсан анхны трансжендер эмэгтэйчүүд байсан бол Канадын хөлбөмбөгчин Куинн, Америкийн скейтбордчин Алана Смит нар мөн олимпийн наадамд оролцсон ижилхүйстэй тамирчид байсан билээ.